"رجعت أحب جوزي تاني".. نهاد أبو القمصان تكشف أسرار زواجها من حافظ أبو سعدة
أثارت نهاد أبو القمصان، المحامية الحقوقية ورئيسة المركز المصري لحقوق المرأة، تفاعلًا واسعًا عبر منشور مؤثر على حسابها عبر "إنستجرام"، تحدثت فيه عن تفاصيل حياتها الزوجية مع زوجها الراحل حافظ أبو سعدة، وكيف تعلمت أن الخلافات الزوجية ليست نهاية العلاقة بل وسيلة لاكتشاف عمق الحب.
وقالت نهاد: "حكايات الحب رجعتني أحب جوزي تاني.. كنا نتخانق كثير ونتصالح كثير ونضحك كثير.. لكن الأساس إننا الاثنين كنا حريصين على الحب واحترام بعضنا.. مفيش كلمة خارجة ولا تجريح"، مشددة على أن "مفيش جواز فاشل.. فيه اتنين مفهموش بعض ومحاولوش يفهموا بعض".
وجاء في منشورها: "مرة سيدة وقفتني هي وجوزها.. قالتلي بابتسامة: شكراً يا نهاد، رجعتيني أحب جوزي تاني.. وهو ضحك وقال: خلتينا نشوف حاجات كتيرة كنا مش واخدين بالنا منها وسط الضغوط.. افتكرت أنا وحافظ.. لما بنتخانق بحس إني مش طايقة أشوفه، وأبدأ أبالغ وأقول هو سبب كل الشرور.. يوم يعدي وأنا باكل في نفسي، يوم تاني أهدا.. يوم تالت أقول: هو حبيبي.. الدنيا في عيني".
وأضافت: "الموضوع مش سهل، حافظ زعله بيطوّل وأنا ماليش خلق. في الأول كنت أستنى يصالحني زي أي ست مصرية أصيلة، حتى لو أنا الغلطانة. لكن مع الوقت فهمت إن الحل مش العند ولا الخناق، الحل إننا نلاقي طريق لبعض. أوقات أغازله بالتليفون وهو متقمص.. وهو يرد عليا بجملة شهيرة: نهاد التليفون ممكن يكون متراقب! أقوله: ماشي خليهم يسمعوا حاجة كويسة.. واحدة بتحب جوزها يضحك ويقول: طيب أنا جاي دلوقتي، كفاية كده يسمعوا".
وتابعت: "وأوقات تانية كنت ألزق فيه على الكنبة وهو بيتفرج.. يقولي: الكنبة واسعة.. أقوله: الحتة دي عاجباني أكتر. يروح مكان تاني، أروح وراه.. الخناقات عمرها ما قللت من الاحترام.. مفيش كلمة خارجة، مفيش تجريح. بالعكس، كنا دايمًا حريصين إن الحب يفضل موجود".
نهاد أبو القمصان: لو الزوجة ساعدت في الإنفاق تشارك الرجل في القوامة؟
كانت قد أثارت نهاد أبو القمصان المحامية الحقوقية ورئيسة المركز المصري لحقوق المرأة،، جدلا واسعا بعد تعليقها على النقاش الذي دار في برنامج الإعلامية رضوى الشربيني، والذي استضافت خلاله صانع المحتوى أشرف عطية، للحديث عن مسؤولية الرجل المادية تجاه زوجته.
واعتبر عطية أن المسؤوليات يجب أن تكون مشتركة بين الزوجين، مؤكدا أنه لا ينبغي للزوج تحمل المصاريف بمفرده.
وأضاف أن الزوجة لا يجب أن تنفق أموالها على ما وصفه بـ"الرفاهيات" مثل أدوات التجميل وزيارات صالونات التجميل، مشيرًا إلى أن "الرجل المحب" من حقه توجيه أموال زوجته واستثمارها بما يخدم الأسرة.
مسؤولية الزوجة في البيت
وعلقت نهاد أبو القمصان، بفيديو نشرته عبر حسابها الرسمي على “انسنتجرام ” "من يومين طلع واحد بيقول إن الست لازم تصرف مع الراجل في البيت، أمال هو اللي يصرف عليها، الحقيقة إن 99% من الستات اللي بتشتغل بتصرف بالفعل على البيت، وحتى اللي ما بتشتغلش بيلجأوا لبيع شبكتهم أو التصرف في أي ميراث يصلهم".
