«ادعوا لها بالرحمة».. الموت يفجع المنتج خالد حلمي في شقيقته
فُجع المنتج خالد حلمي بفقدان أعز الناس إلى قلبه، حيث أعلن عبر حسابه الرسمي على موقع التواصل الاجتماعي "فيس بوك" رحيل شقيقته.
قال المنتج خالد حلمي في منشور قصير مؤثر: "أختي في ذمة الله، أرجو الدعاء لها بالرحمة والمغفرة".
المنشور تفاعل معه المئات من أصدقائه ومتابعيه الذين بادروا بمواساته والدعاء للراحلة بالرحمة، معبّرين عن حزنهم الشديد لرحيله المفاجئ الذي شكّل صدمة كبيرة لعائلته ومحبيه.
على صعيد آخر، كشف المنتج السينمائي حسام علوان، عن تعرضه لأزمة صحية شديدة ومعاناته من ألم في المعدة، وضلوع الصدر، وعند إجراء التحاليل الطبية كانت الصدمة، أصيب بورم سرطاني خبيث.
وكتب "علوان" عبر حسابه على فيسبوك: " الشهر ده وصلني خطاب توصية من وزارة الثقافة الإماراتية للحصول على الإقامة الذهبية فئة المبدعين، وحجزت ميعاد في الإدارة العامة للهوية بمدينة دبي، و كانت عجباني فكرة إن يبقى عندي بطاقة مكتوب فيها الوظيفة "مبدع"، و كنت عمال أحلم بمشاريع هعملها و إن أبواب الدنيا هتتفتحلي، خصوصا إن من زمان و أنا بجهز للخطوة دي اللي أعمل فيها نقلة في حياتي، ولكن للقدر مفارقاته اللي ممكن تبدل كل الخطط.
إصابة حسام علوان بوعكة صحية مفاجأة
وتابع المنتج السينمائي حسام علوان وسط ما أنا بعمل ترتيبات السفر جالي ألم في المعدة، ومعاه آلام قوية في ضلوع الصدر، وكنت متعود أن الألم ده يجيلي لما ما أكلش كذا يوم ورا بعض بسبب فقدان الشهية أو النسيان، ولوقت طويل اعتبرت إن فقدان الشهية سببه نفسي وإني بقيت ما بحبش الإكل وما شوفتش إن له سبب عضوي، لكن قولت أروح لدكتور باطنة يكتبلي مسكنات عشان لو حسيت بالوجع و أنا مسافر خصوصا لإن الوجع ده بييجي عامل زي الهجوم المباغت بدون أي توقع و فجأة كأن فيه مطاوي بتقطع في جسمي.
وأضاف: دكتور الباطنة سمع مني الشكوى و بعدين قاللي " اللي بتشكي منه ده العرض مش المرض، إحنا عايزين نعرف إيه المرض عشان نعالجه" وكتبلي على مجموعة إشاعات وتحاليل أعملها، قولتله إني هسافر أسبوع و لما أرجع هعملها إن شاء الله، فقاللي مافيش لما ترجع لازم تعملها حالاً و تكلمني من المعمل.
روحت مركز الأشعة و التحاليل وقالولي بالنسبة للأشعة المقطعية بالصبغة فلازم لازم أكون صايم أربع ساعات و أفضل أشرب مية ساعتين، فقولت أروح تاني يوم أكون جاهز، و كلمت الدكتور فقاللي "مافيش تعملها بكرة، تعملها النهاردة" و فعلا قعدت لغاية ما عملتها.
