«مش قادر أبطل عياط».. كريم سرور يودع بهاء الخطيب بكلمات مبكية تهز الوسط الفني
ودّع الفنان كريم سرور صديقه الفنان بهاء الخطيب الذي رحل عن عالمنا عن عمر يناهز 41 عامًا، وسط حالة من الحزن الشديد بين أصدقائه ومحبيه.
صدمة في الوسط الفني بعد وفاة الفنان الشاب بهاء الخطيب
وكتب سرور بكلمات مبكية في منشور مؤثر له عبر حسابه الرسمي على موقع التواصل الاجتماعي "فيس بوك": "بهاء الخطيب مات !! إيه الاختبار ده !! ليه بالقسوة دي.. مكنش بيمل ولا بيكل من أحلامه، كان دايمًا مبتسم حتى في عز إحباطه.. كنت متأكد إنه هيكون نجم، بس للأسف رحل قبل ما يحقق أحلامه".
وأضاف: "قلبى وجعني ومش قادر أبطل عياط.. سلام يا صاحبي، ربنا يرحمك يا بهاء يا موهوب يا نضيف.. والنبى ادعوله يا جماعة والله يستحق الدعوة والرحمة على قد نيته وقلبه وحبه للناس، لا عمره قاللى مين يستاهل ومين ميستاهلش مكنش بيقول غير نشتغل ونعمل اللى علينا وبس، الله يرحمك يا بهاء يا موهوب يا نضيف، سلم على اللى عندك وأنتم السابقون ونحن اللاحقون".
أصاب رحيل بهاء الخطيب المفاجئ الوسط الفني بصدمة كبيرة، خاصة أنه كان معروفًا بابتسامته وروحه الإيجابية، وسعيه الدائم لتشجيع زملائه على العمل والإبداع دون انتظار الفرص.
موعد ومكان جنازة بهاء الخطيب
وتحدد موعد لصلاة الجنازة لتقام اليوم الأحد في تمام الساعة العاشرة صباحا في مسجد خاتم المرسلين بقرية ميت رهينة التابعة لمركز البدرشين بمحافظة الجيزة، حيث سيتم تشييع جثمان الراحل وسط حضور عدد كبير من الأهل والأصدقاء وزملاء العمل.
سبب وفاة بهاء الخطيب
ونعى حسام داغر صديقه الراحل بكلمات مؤلمة عبر حسابه الرسمي على موقع التواصل الإجتماعي فيس بوك مشيرا إلى وفاته أثناء لعب كرة القدم ،وكتب داغر: ده لسه متكلمين إنك تيجي تقعد معايا كام في إسكندرية و قلتلك هتحب قعدة بلكونتي علي البحر علطول ورجعت أقولك خلينا في الشتا هيبقي أحلي الجو دلوقتي صيف وحر.
وأضاف: “خلاص لا بقه في شتا ولا صيف ولا حاجه الناس بتمشي فجاة ازاي كده لا حول ولا قوة الا بالله دموعي منشفتش من يوم تيمور و قلبي لسه موجوع تقوم تمشي فجأه أنت”.
سبب الوفاة
وتابع: "يعني إيه وقع و هو بيلعب كوره مات أنا عقلي هيجراله حاجه الثبات و العقل و الصبر من عندك يا رب… بهاء الجميل المحترم الطيب أعرفه من وهو في مسرح الجامعه و قبل المعهد و برضه كبر قدامي و كان ناجح في كل حاجه حتي مجاله و شغله الاساسي جمب التمثيل لو أعرف إنك هتمشي فجأة كنت قابلتك و مفضلناش نأجلها ليه يا ربي الطيبين المحترمين بيمشوا فجاه لا حول ولا قوة الا بالله الصبر من عندك يا رب".
