بعد أزمة تجارة الأعضاء.. السيناريست دياب يثير التساؤل في أزمة وفاء عامر
أثار المخرج والسيناريست محمد دياب التساؤل حول قضية مافيا "البلوجرز" واستخدامهم كواجهة لتجارة الأعضاء البشرية بقيادة الفنانة وفاء عامر، قائلًا: "إيه حكاية البنت اللي بتقول إنها بنت حسني مبارك؟.. إيه المطلوب وهل أنا مصدق كلام البنت!! مطلوب التحقيق".
وكتب محمد دياب على صفحته الشخصية عبر فيسبوك: "مافيا التيك توك.. تجارة أعضاء ووشوش معروفة في القصة!".. طب إيه حكاية البنت اللي بتقول إنها بنت حسني مبارك؟.. البنت دي طلعت وقالت إن في “مافيا” تجارة أعضاء وغسيل أموال شغالة في مصر، وإنهم بيستخدموا البلوجرز كواجهة للشغل ده".
وفاة إبراهيم شيكا ليست بالسرطان
وتابع "الموضوع اتذكر فيه أسماء كتير جدًا، وعلى رأسهم وفاء عامر.. وقالت كمان إن إبراهيم شيكا ما ماتش بالسرطان، وإن مراته أقنعته يبيع كليته علشان يحسنوا مستواهم المعيشي، وإنها سابته فترة بسبب ضيق الحال، وزي ما أمه قالت: "هي اللي مرضته".
سوزي الأردنية
وأضاف دياب: "وقالت إن ظهور أم مكة مع وفاء عامر كان سبب في ثراء مش طبيعي، مش منطقي ييجي من الفسيخ اللي بتوزعه على البلوجرز، خصوصًا إنه فسيخ "مدود وبايظ" زي ما اتقال.. أما سوزي الأردنية، فقالت إن سفرها للإمارات وراه شغل وكالات التيك توك، وإنه لما اتقبض عليها مرتين، كان بسبب شخص معين “بيقرص ودن سوزي”.
ريهام سعيد وأم مكة
وأكمل: "البنت كمان جابت سيرة أم ساجدة وأحمد وهبة، وإنهم بيدعموا شاكر ومداهم.. من فترة، ريهام سعيد استضافت أم مكة وسألتها: “إنتي وأم خالد والناس دي، فلوس التيك توك بتكسبكم عربيات وبيوت؟” أم مكة معرفتش ترد، وقالت أي كلام.. ريهام قالتلها: “أمال مش بيكسب عندي ليه؟”، قامت أم مكة ضحكت وقالت: “أنا عندي ألفين دولار ومش عارفة أسحبهم!”، ومجاوبتش أي إجابة منطقية".
"وفاء عامر طلعت وقالت إنها قدمت بلاغ رسمي في النيابة.. لكن البنت اللي اسمها مروة، واللي بتدّعي إنها بنت حسني مبارك، راحت النيابة بنفسها، وصورت من جوه، وقالت إن ما فيش أي بلاغات باسمها، وده معناه إن الناس اللي اتكلمت خايفة تبلغ! دلوقتي في فيديوهات بتربط بين سلمى الرحالة بتاعة القهوة وليلى الشبح مع دينا مراجيح (الله يرحمها)، وقالوا إنها اتخطفت لتجارة أعضاء، وإن قصة الحادثة مجرد غطاء".
بنت حسني مبارك
"البنت دي كانت ظهرت من كام سنة وقالت إنها بنت حسني مبارك من إيمان الطوخي، وإن سوزان مبارك دمرت مشوار إيمان الفني بسبب الجوازة دي.. واختفت لحد ما رجعت وفتحت كل الملفات دي تاني".
واختتم دياب: "ايه المطلوب وهل أنا مصدق كلام البنت !! مش مقتنع بكلامها بس بردو مطلوب التحقيق وإنها تتحلي عشان يتحقق معاه عشان بتقول عندها ادلة !! والحقيقة موضوع غسيل الأموال ده ع التيك توك حقيقي ومنتشر جدا.
