ياسمين عز: لو عايزة راجل بشوش اتجوزي أردني.. واعملي المقلوبة كويس علشان تتجوزي

تلقّت الإعلامية ياسمين عز مجموعة من الأسئلة من الجمهور، وردّت عليها بأسلوبها المعروف الذي يجمع بين المزاح والرسائل المباشرة.

"روحي اتجوزي أردني"

قالت ياسمين  خلال برنامجها "كلام الناس" المذاع عبر قناة MBC مصر:"في واحدة بتسألني، بتقولي نفسي أتجوز راجل وشه بشوش وما بينكدش... روحي اتجوزي أردني."

وتابعت:"في واحدة اسمها جميلة باعتالي، بتقولي: الرجالة بقت نكدية أوي يا ياسمين، نفسي أتجوز راجل حلو بشوش، يبتسم في وشي أول ما يصحى يا حبيبتي اتجوزي أردني، يصبحك بابتسامة ويمسيكي بابتسامة، ووريني بقى شطارتك في المطبخ."

"محدش يبعتلي أسئلة"

وأكملت ياسمين كلامها بنبرة تمزج بين الدعابة والتحذير:
"محدش يبعتلي أسئلة، هديكي إجابات مش هتعجبك."

وأضافت بسخرية:   

"هو في حد بيتجوز دلوقتي؟ إنتي شايفة اللي حواليكي؟ حاجات مبشرة؟ مفيش جواز دلوقتي."

"اتعلمي تعملي المقلوبة"

وختمت نصائحها بطرافة قائلة:"ابقي أرد على سؤالك في شهر 10، تكوني اتعلمتي تعملي المقلوبة... عارفة المقلوبة؟ اللي بتقلبيها على صينية الألومنيوم؟ الحركة دي لو ما عملتيهاش، مش هتتجوزي."

وفي نفس السياق ،جهت الإعلامية ياسمين عز مجموعة من النصائح الطريفة والمباشرة للزوجات داعية السيدات إلى احتواء أزواجهن في ظل موجات الحر الشديدة التي تضرب البلاد هذه الأيام، مستخدمة أسلوبها الخاص الذي يمزج بين العفوية، الدعابة، والرسائل الاجتماعية.

كيكة الزهرمان لتوماس إديسون

بدأت ياسمين حديثها خلال حلقة جديدة من برنامجها  " كلام الناس "المذاع عبر قناة MBC مصر،بعبارة لافتة أثارت تفاعل الجمهور قائلة:"الجو حر نار صهد زمهرير.. يا مدام قومي اعملي لجوزك حبيبك توماس إديسون كيكة الزهرمان، ترطب على قلبه."

واسترسلت ضاحكة:
"عارفة الزهرمان ولا مش عارفاه؟ دوري هتلاقي حاجة كده شبه السم الهاري.. بس هو بيحبها، اعمليها وكتري منها ليكي ولجوزك ولولادك السلاحف."

"خدي حتة لحماتك"

لم تنسَ ياسمين عز في حديثها العلاقات الأسرية الأوسع، فنصحت الزوجات بمد جسور الود مع الحماة، مضيفة:"خدي حتة من الكيكة لحماتك، متنسيهاش، وزوريها ومتعمليش مشاكل معاها اليومين دول."

وأكدت على أهمية السلوك الحسن تجاه أهل الزوج، وربطت ذلك بصفاء الأجواء النفسية في البيت، لا سيما مع وجود ضغوط خارجية مثل ارتفاع درجات الحرارة والتوتر العام.