فطار رمضان… طريقة عمل دبابيس الفراخ المقرمشة مع كرات البطاطس المقلية
مع حلول يوم ١٦ رمضان، تحتار بعض ربات المنزل في اختيار الأكلات والأطباق على مائدة الإفطار، فنقدم لكِ من خلال السطور التالية بعض الأفكار البسيطة التي تساعدك في تحضير سفرة رمضان.
كرات البطاطس المقرمشة
المقادير:
• 2 حبة بطاطس مسلوقة ومهروسة
• نصف كوب نشا
. نصف ملعقة صغيرة ملح
•نصف ملعقة صغيرة فلفل أسود
• زيت للقلي
الطريقة:
1. في وعاء، اخلطي البطاطس المهروسة مع النشا، الملح، والفلفل الأسود لحد ما تتجانس العجينة.
2. شكّلي العجينة على شكل كرات صغيرة متساوية الحجم.
3. سخني الزيت في طاسة عميقة، واقلي الكرات على نار متوسطة لحد ما تاخد لون ذهبي ومقرمش.
4. صفيها على ورق مطبخ، وقدميها مع الكاتشب أو أي صوص مفضل.
دبابيس الفراخ المقرمشة
المقادير:
• كيلو دبابيس فراخ
• 2 كوب زبادي
• ملعقة كبيرة ثوم مفروم
• 2 ملعقة كبيرة خل
• ملعقة صغيرة عصير ليمون
• 2 كوب دقيق
• 2 ملعقة كبيرة نشا
• ملح وفلفل أسود
• بهارات فراخ
• زعتر ناشف
• بابريكا
• ثوم بودر
• بصل بودر
• 2 بيضة
• كورن فليكس مطحون
• زيت غزير للقلي
الطريقة:
نخلط الزبادي مع الثوم والخل والليمون والبهارات وننقع فيها دبابيس الفراخ لمدة ساعتين. نخلط الدقيق مع النشا والزعتر والبابريكا والثوم البودر والبصل البودر والملح والفلفل. ننشل الدبابيس من التتبيلة ونغطيها بخليط الدقيق، ثم البيض، ثم الكورن فليكس. ندخلها الثلاجة لمدة نصف ساعة. نسخن زيت غزير على 180 درجة مئوية، ثم نقلي الدبابيس على نار متوسطة حتى تأخذ لون ذهبي مقرمش. نطلعها على شبكة لتحتفظ بالقرمشة واللمعة.
[[system-code:ad:autoads]
طريقة عمل صوابع زينب
المقادير :
كوب ونصف دقيق
نصف كوب سميد
ربع كوب سمنة
معلقة كبيره سكر
نصف معلقة صغيرة خميرة
نصف كوب ماء دافي
ذرة ملح
طريقة التحضير:
نقلب المكونات الجافة مع بعض الدقيق والسميد والخميرة والسكر والملح وننزل عليهم بالسمنة ونخلطهم مع الدقيق لحد ما نحصل على خليط رملي وبعدين نضيف الماء ونعجن لحد ما تلم معانا ونسيب العجينة ترتاح لمدة ربع ساعة.
وبعدين نبدأ نشكلها على بصامة الكحك أو مبشرة الجزر. ونقليها في زيت ساخن لحد ما لونها يبقا ذهبي ونسقيها شربات بارد.
