شقيقة الفنان أحمد حلمي لـ نيوز رووم: عاوزة أوصل رسالتي بعيدًا عن كوني أخت نجم
تحدثت سالي حلمي، الاستشاري النفسي والخبير التربوي، عن الفيديو الذي ظهرت فيه مع شقيقها الفنان أحمد حلمي وتصدر التريند خلال اليومين الماضيين.
وقالت سالي حلمي في لقائها مع نيوز رووم: “بنتعامل مع أحمد بشكل أسري هو فنان بالنسبة للناس، لكن بالنسبة لنا هو أخ.. لما بيكون فيه حاجة مش بنطلعها دايمًا على السوشيال ميديا.. والفيديو كان بالصدفة ونارد لما نظهر مع بعض كأسرة على السوشيال ميديا، والفيديو عجبني لأني بكون فرحانة بحب الناس وواثقة أن الفيديو بقى تريند لأنه فيه حلمي.. وده شيء بسطني”.
شقيقة أحمد حلمي: مش عاوزة استغل نجومية أخويا وهو عاوزني أوصل بمجهودي
وأكدت سالي حلمي أنها لا تحب أن تستغل شهرة شقيقها في الظهور والشهرة، قائلة: “مش عاوزة اعمل كده لا أنا حابة ولا هو.. هو حابب لما أوصل لحاجة أبقى وصلت ليها بتعبي وجهدي.. ومقدرش أنفي وجوده في حياتي.. لكن مش بحب استغل نجوميته.. أنا بخاطب الأسرة المصرية وبخاطب الولاد والأمهات. عاوزة أدخلهم من ناحية مشاكلهم.. يسمعوني علشان خاطر لاقوني بتكلم عن مشكلة تخصهم مش علشان أنا أخت أحمد حلمي”.
وأضافت سلمي حلمي: "أحمد حلمي بيحب البني يوصل للحاجة اللي بيحها بتعبه.. زي ما هو وصل للي هو فيه بتعبه وجهده ومحدش ساعده واجتهاده على نفسه.. إحنا تارتبينا على كده واتعودنا كلنا على كده.. بنوصل للحاجة اللي عاوزنها نتيجة تعبنا، هو تعب ووصل وأنا بتعب وإن شاء الله هوصل وهدفي اوصل لكل البيوت المصرية، لأني بقالي 35 سنة بشتغل في مجال التريبية والتعليم واتخصصت في دراسة علم وسيكلوحية الطفل.. ده خلاني أفهم الطفل عاوز إيه … ومحتاج إيه.. ووصلت لنقطة أن كل مشاكل الأطفال اللي بنشوفها ناتجة من البيت عاوزة اوصل للبيت على قد ما أقدر؟. بعتبرها رسالة أكتر من أي حاجة تانية.
