هاني شنودة: مفيش مقارنة بين تامر حسني وعمرو دياب ومهرجان العلمين حدث مهم
أشاد الموسيقار الكبير هاني شنودة بأجواء مهرجان العلمين مشيرا إلى تنظيم والجمهور والإدارة الذين ساهموا في نجاح الفعاليات ، كما عبّر عن رأيه في المنافسة الفنية بين النجمين عمرو دياب وتامر حسني خلال موسم الصيف الحالي.
وقال هاني شنودة خلال تصريحات تليفزيونية: مهرجان العلمين في منتهى الجمال وهو حدث مهم جدا وإحنا كفرقة المصريين عملنا حفلة هناك ، وإن شاء الله نعمل حفلة تانية .
وتابع: قابلنا جمهور محترم جدًا، والإدارة كانت حكيمة ومنضبطة، والأهم إن الناس كانت فاهمة هي جاية ليه… وده بيفرق جدًا.
عمرو دياب وتامر حسني
وحول المنافسة بين عمرو دياب وتامر حسني هذا الصيف، قال شنودة مازحًا: “بص حضرتك… إنت بتكلمني في حاجة محسومة! يعني لما يبقى قدامك منجا وبطيخ وأناناس… تختار إيه؟ كله طبعا.
وأضاف مفيش مقارنة بين الاتنين، كل واحد في مكانه، بس عمرو دياب حاجة تانية خالص.
ووجه هاني شنودة رسالة مباشرة للهضبة قائلًا: “برافو عليك يا عمرو، وبرافو عليك تاني، كتير من أعمالك هيفضل موجود بعد ما كلنا نمشي، ربنا يديك الصحة، وإبداعك مش هيخلص”.
واختتم حديثه على مشاركة ابنة عمرو دياب في إحدى أغانيه، قائلًا: “عمرو دياب عمل حاجة كان لازم تتعمل. فرانك سيناترا خلى بنته تغني معاه، وفكرة إن البنت تغني مع أبوها دي بتخلق رابط وإحساس ماكناش متوقعينه… وده شيء جميل ومؤثر جدًا.
وعلى رد الموسيقار الكبير هاني شنودة على الانتقادت التي طالته عقب الحفل الاستثنائي الذي جمعه بمغني الراب الشاب زياد ظاظا، والذي أُقيم في حديقة الحرم اليوناني، وشهد مزجًا فريدًا بين طاقة الجيل الجديد وروح وإبداع الزمن الجميل.
وقال هاني شنودة في تصريحاته لـ نيوز رووم: “ليه لأ؟ لازم ندلع الجيل الجديد علشان ياخدوا مكاننا لما إحنا نتكل على الله، إيه العيب في كده.. ولازم نعتنني بالشباب، وزياد ظاظا بيغني كويس وودنه كويسة.. أنا ما أظنش أنها حاجة تستاهل الكلام”.
وأضاف هاني شنودة: “طول عمري كده.. كانوا بيقواوا على عدوية مطرب هابط ولما عملت له “زحمة يا دنيا زحمة” دخلت كل بيوت مصر والمصريين أعجبوا بيها، الواحد بيعمل اللي يقدر عليه، مش العكس.. واللي عاجبه أهلا وسهلًا واللي ما يعجبوش أهلنين وسهلنين”.
وكان مستخدمو مواقع التواصل الاجتماعي قد تداولوا مقطع فيديو من الحفل، ظهر فيه الموسيقار هاني شنودة وهو يقدّم زياد ظاظا للجمهور قائلًا: السوبر ميجا ستار زياد ظاظا”، وهو الأمر الذي عرضه لانتقادات.
وقد نشر هاني شنودة، عبر حسابه الرسمي على "فيسبوك" العديد من صور الحفل وعلق عليها بقوله: "طاقة الجيل الجديد دايمًا بتديني حماس، وروح أفضل مكمل أنا بحب المزيكا وبحبكم".
وشهد الحفل مشاركة زياد ظاظا بتقديم عدد من أغانيه، بمصاحبة الموسيقار هاني شنودة عازفًا على آلة الكيبورد.
