بندلع الجيل الجديد.. هاني شنودة يرد على انتقادات مشاركته بحفل زياد ظاظا | خاص
رد الموسيقار الكبير هاني شنودة على الانتقادت التي طالته عقب الحفل الاستثنائي الذي جمعه بمغني الراب الشاب زياد ظاظا، والذي أُقيم في حديقة الحرم اليوناني، وشهد مزجًا فريدًا بين طاقة الجيل الجديد وروح وإبداع الزمن الجميل.
وقال هاني شنودة في تصريحاته لـ نيوز رووم: “ليه لأ؟ لازم ندلع الجيل الجديد علشان ياخدوا مكاننا لما إحنا نتكل على الله، إيه العيب في كده.. ولازم نعتنني بالشباب، وزياد ظاظا بيغني كويس وودنه كويسة.. أنا ما أظنش أنها حاجة تستاهل الكلام”.
وأضاف هاني شنودة: “طول عمري كده.. كانوا بيقواوا على عدوية مطرب هابط ولما عملت له “زحمة يا دنيا زحمة” دخلت كل بيوت مصر والمصريين أعجبوا بيها، الواحد بيعمل اللي يقدر عليه، مش العكس.. واللي عاجبه أهلا وسهلًا واللي ما يعجبوش أهلنين وسهلنين”.
وكان مستخدمو مواقع التواصل الاجتماعي قد تداولوا مقطع فيديو من الحفل، ظهر فيه الموسيقار هاني شنودة وهو يقدّم زياد ظاظا للجمهور قائلًا: السوبر ميجا ستار زياد ظاظا”، وهو الأمر الذي عرضه لانتقادات.
وقد نشر هاني شنودة، عبر حسابه الرسمي على "فيسبوك" العديد من صور الحفل وعلق عليها بقوله: "طاقة الجيل الجديد دايمًا بتديني حماس، وروح أفضل مكمل أنا بحب المزيكا وبحبكم".
وشهد الحفل مشاركة زياد ظاظا بتقديم عدد من أغانيه، بمصاحبة الموسيقار هاني شنودة عازفًا على آلة الكيبورد.
وجاءت تعليقات المتابعين كالآتي: “مين أبو ضفيرة ده كمان ده ميجا استار؟ أمال رامي جمال ومحمد شاهين وإيهاب توفيق وهشام عباس وتامر والناس الحلوة القديمة والجديدة راحو فين اللى بيقدمو أغاني محترمة وراقية ومفيهاش أي كلمة وحشة هو عجز واتهطل باين عليه”. وكتب آخر: “هو للأسف اتفقتنا أو اختلفنا هو فعلاً ميجا ستار في جيله”.
وجاء في تعليق ثالث: “ده شو من الولد عشان ياخد اللقطة والأستاذ هاني شنودة كبر وعيل أداله وضعه واهتم به عشان ياخد اللقطة وفعلا حصل تريند يا أستاذ، بحبه هاني شنوده جدا مقدرش اتكلم عنه حساه بيجامل مش أكتر هو طيب أوي".
هاني شنودة ضيف شرف مسلسل زياد ظاظا الجديد
تزامن الحفل مع مشاركة هاني شنودة كضيف شرف في العرض الخاص لمسلسل “برستيج”، الذي يُمثل أولى تجارب زياد ظاظا في الدراما، ويشاركه البطولة عدد من النجوم مثل مصطفى غريب ومحمد عبد الرحمن توتا، تحت إخراج عمرو سلامة.
وكان زياد ظاظا قد طرح مؤخرًا أحدث أغانيه بعنوان "إيه القرف ده"، والتي أثارت موجة من الانتقادات.
