"سلوى محمد علي: لما بقفل على نفسي بحس إني ست عجوزة "|فيديو

كشفت الفنانة سلوى محمد علي عن لحظات التعب والإنهاك التي تمر بها بعد يوم طويل من العمل، مشيرة إلى أن تلك اللحظات تكشف لها جانبًا خفيًا من شخصيتها لم تكن تراه من قبل.

وقالت سلوى خلال استضافتها عبر برنامج "ست ستات" المذاع عبر قناة DMC:"لما بقفل أوضتي وأنا تعبانة، بحس إني ست عجوزة من غير مكياج، متهالكة كده، كأني خلصت كل طاقتي بحب وقتها أقرأ حاجة تفضي دماغي، لأني طول النهار مناهدة، فيه وجهات نظر كتير ولازم توضحي، والحياة بقت صعبة أوي."

"فات الميعاد على حاجات كتير"

وأشارت إلى أن مرور العمر جعلها تراجع اختياراتها وتتمنى لو كانت تجرأت أكثر في شبابها، قائلة:"بقول لنفسي فات الميعاد على حاجات كتير. لو رجع بيا الزمن، كنت هجرب حاجات أكتر، كنت هكون أكثر جرأة، لأن أنا بطبيعتي جبانة كان نفسي أحب الحياة أكتر، لأن اللي بيحب الحياة عمره ما بيشبع منها، وأنا دلوقتي لما كبرت بقول لنفسي وأنا شابة كنت بفكر إزاي؟ إيه الهبل اللي كنت بفكر فيه ده!"

"بمشي في المضمون.. ومش بدخل أي بيت"

وأكدت سلوى محمد علي أنها رغم حبها للمغامرة الفنية، إلا أن شخصيتها الحياتية أكثر تحفظًا، حيث قالت:"عندي إقبال على المغامرة بس في الفن، إنما في الحياة أنا بمشي في المضمون أوي مش بروح أي حتة، ممكن أكون أصاحب الناس كلها، بس مدخلش أي بيت."

"ندمانة على اللي ما عملتوش"

وفي لحظة صراحة نادرة، عبّرت سلوى عن ندمها على بعض الفرص التي لم تستغلها في حياتها، وأضافت:"أنا ندمانة على اللي ما عملتوش، على الحاجات اللي فوتها بإيدي كنت أقدر أعيش تجارب أكتر، أضحك أكتر، أكون أجرأ. بس خلاص، كل حاجة وليها وقتها."

وفي وقت سابق ،كشفت الفنانة سلوى محمد علي عن بداية غير تقليدية لمسيرتها الفنية، حيث عملت كـ"كومبارس" في لندن لأكثر من عام، قائلة: "اشتغلت كومبارس في لندن وشاركت في أفلام كتير، لكن فعليًا مش فاكرة عددهم"، في إشارة إلى حجم التنوع والتجارب التي مرّت بها قبل تحقيق الشهرة.