خالد الحلفاوي: "لن أقبل أن يجسّد أحد شخصية والدي
في تصريحات تلفزيونية مؤثرة، تحدث المخرج خالد الحلفاوي عن فكرة تقديم السيرة الذاتية لوالده الفنان الكبير الراحل نبيل الحلفاوي، الذي رحل عن عالمنا في شهر ديسمبر من عام 2024 بعد صراع مع المرض، مؤكدًا أنه من المستحيل أن يقبل برؤية أي ممثل يقدم شخصية والده على الشاشة.
خالد الحلفاوي يرفض تجسيد السيرة الذاتية لوالده
وقال خالد الحلفاوي بنبرة صريحة: “عمري ما هشوف ولا هتقبل حد يجسّد شخصية أبويا.. مين ممكن يقنعني إنه والدي؟ دا مستحيل بالنسبة لي .. ممكن أكتب السيرة الذاتية يومًا ما، لكن الإخراج هيسلمه حد تاني، مش أنا.”
خالد الحلفاوي يقلق بشأن والدته
كما تحدّث المخرج خالد الحلفاوي عن تجربته الخاصة مع مشاركة والدته الفنانة فردوس عبد الحميد في بعض أعماله الإخراجية، مؤكدًا أن الأمر يسبب له نوعًا خاصًا من التوتر والخوف، وقال: “ببقى متوتر جدًا لما والدتي تشتغل معايا في عمل من إخراجي.. ببقى خايف عليها، عايزها تطلع مرتاحة، طالعة بشكل حلو، وتكون راضية عن نفسها وعن الشغل.”
خالد الحلفاوي يرفض التصنيف الإخراجي
وفي حديث أكثر صراحة، تناول خالد الحلفاوي شعوره بالانزعاج من تصنيفه كمخرج كوميدي فقط، وقال: “للأسف عندنا في مصر نظام الإنتاج غريب جدًا، لو مخرج نجح في نوع واحد، يفضلوا حابسينه فيه. يعني في مخرج بتاع أكشن، ومخرج بتاع دراما، ومخرج بتاع كوميديا. وأنا اتزنقت في الكوميديا من أول عمل جالي، اللي هو فيلم زنقة ستات.”
وأضاف خالد الحلفاوي قائلًا: “أنا شخص كسول، مش من النوع اللي بيكتب أو يدور بنفسه.. اللي بييجي لي باختار منه، وللأسف كانت أول الحاجات اللي جاتلي كلها كوميديا. بس أنا مؤمن إن المخرج المفروض ميكونش محصور في نوع واحد، لازم يقدر يعمل كل حاجة.”
مسلسل كامل العدد ليس مسلسل كوميديًا
وفي سياق رغبته في الخروج التدريجي من عباءة الكوميديا، أشار المخرج خالد الحلفاوي إلى أن مسلسل “كامل العدد” لا يصنفه كعمل كوميدي صريح، رغم ما يظنه البعض، وقال: “أنا بدأت أخرج من الكوميدي بالراحة، ومسلسل كامل العدد مش كوميدي.. مفيهوش ولا مشهد معمول بهدف الضحك .. بالعكس، أكتر حاجة تعبتني في المسلسل كانت الزحمة .. فيه مشهد كان فيه 26 شخص في الصالة! ده مش مشهد عادي .. ده فيلم رعب!”
وتابع المخرج خالد الحلفاوي موضحًا التحديات التي واجهها خلال التصوير: “طبيعي كان بيحصل مشاكل.. الأطفال كتير، ومن أماكن تصوير مختلفة، وده سبب ضغط كبير أثناء التنفيذ.”
