ياسمين عز: الراجل مش محتاج يستحمى علشان من فصيلة الغزال وبنستخرج منه المسك

أكدت الإعلامية ياسمين عز، أن الرجل ليس محتاجًا للاستحمام لأنه من فصيلة الغزال، نستخرج منه المسك، ويمشي في الشارع يعطر الجو، لافتة إلى أن الرجال منبع المسك في الحياة.

فصيلة الرجال 

وقالت ياسمين عز، خلال برنامجها "كلام الناس" المذاع عبر قناة MBC مصر، إن العودة من الخارج تتطلب خطوات فورية للحفاظ على النظافة، موضحة: "أول ما تدخلي من بره، لازم تقلعي التيشيرت وتغسليه، مفيش حاجة اسمها ألبسه تاني يوم كده وخلاص".س

الرجل ربنا خلقه من فصيلة الغزال

وأشارت إلى أن الرجال ليسوا محتاجين للاستحمام زي النساء كل يوم، مردفة: «الرجل ربنا خلقه من فصيلة الغزال، وهو مصدر المسك، ورائحته تفوح في الشارع، فلا ينطبق عليه أي حاجة في النظافة الشخصية، مش لازم يستحم كل شوية».

https://youtube.com/shorts/FYYCKG-Bl_s?si=32Qq9ez1IhaGOvJR

وفي وقت سابق أكدت الإعلامية ياسمين عز أهمية العناية بالنظافة الشخصية خلال فصل الصيف، معتبرة أنها ليست مجرد أمر شكلي، بل ضرورة حياتية تؤثر على الصحة والمظهر والانطباع العام.

وقالت عز خلال برنامجها "كلام الناس" المذاع عبر قناة MBC مصر، إن العودة من الخارج تتطلب خطوات فورية للحفاظ على النظافة، موضحة: "أول ما تدخلي من بره، لازم تقلعي التيشيرت وتغسليه مفيش حاجة اسمها ألبسه تاني يوم كده وخلاص".

حرارة الصيف تفرض عناية مضاعفة

وأضافت أن ارتفاع درجات الحرارة وزيادة التعرّق يفرضان على الجميع، نساءً ورجالًا، الانتباه إلى نظافتهم الشخصية لتجنّب أي روائح غير محببة أو التهابات جلدية.

وانتقدت عز من يظنون أن استخدام العطور يغني عن الاستحمام، قائلة: "الريحة الحلوة مش برفان، الريحة الحلوة يعني استحمام يومي، مفيش حاجة اسمها أنا مبعرقش!". 

وشددت على ضرورة استخدام مزيلات العرق بشكل يومي، على أن تكون من الأنواع الجيدة الخالية من المواد الضارة، ولفتت إلى أن الرجال أيضًا مطالبون بالاهتمام بنفس القدر، فالنظافة ليست حكرًا على النساء.

نصائح دقيقة للنساء

كما وجهت ياسمين نصائح عملية للنساء، منها غسل الطرحة بعد ارتدائها خارج المنزل، وتنظيف الأظافر بفرشاة صغيرة بانتظام، وعدم النوم والشعر مبلولًا لتفادي ظهور الحبوب.

وقالت أيضًا: "مفيش حاجة اسمها ريحتي مسك، لا، انتي ريحتك مش مسك، كلنا شامين وساكتين. الناس بيغمي عليها من ريحتك، والشراب بيتلبس مرة واحدة رجلك جزء لا يتجزأ من جسمك، هدومك خرجتي بيها ترجعي تغسليها انتي مش هتمشي ريحتك عشان مناخيرنا مسدودة مزيل العرق يستعمل على جسم نضيف.... شعرك مزيت؟ قومي اغسليه أوضتك المكركبة لازم تكون نضيفة، مينفعش الناس تشوفك حلوة وبتلمعي وانتي أوضتك مش نضيفة".

الرجال و"فصيلة الغزال"

واختتمت حديثها بتعليق طريف عن الرجال قائلة: "بالنسبة للراجل، ده ربنا خلقه من فصيلة الغزال، بيفرز مادة المسك من عيونه ومناخيره وودنه وغدده الدهنية، وبيستخلصوا منه المسك الأبيض أو الأسود على حسب نوع بشرته هو مش محتاج يرش برفان، رشتين من معطر الجو وريحته بتفوح لآخر الشارع وآخر الأسبوع".

النظافة.. صورة أمام نفسك أولًا

وأكدت عز في نهاية حديثها أن النظافة ليست كماليات، بل هي أساس الحياة اليومية وصورة الإنسان أمام نفسه قبل أن تكون أمام الناس.