ياسمين عز تثير الجدل: "الرجالة لازم تستغل الأزمات.. وقولها الشبكة كانت واقعة"

أثارت الإعلامية ياسمين عز موجة من الجدل كعادتها، بعد أن وجهت رسالة مباشرة للرجال، داعية إياهم لاستغلال أزمة انقطاع الشبكة مؤخرًا كـ"فرصة للراحة" من التزاماتهم الأسرية.

افصل تليفونك وافصل دماغك

وقالت ياسمين عز خلال برنامجها "كلام الناس" المذاع عبر قناة MBCمصر :لو ما استغلتش أزمة الشبكة اللي فاتت، يبقى فاتك كتير! افصل تليفونك وافصل دماغك، وارجع البيت مرتاح كأنك راجع من إجازة."

وأكدت ياسمين أن المرأة لا يمكنها إنكار أن هناك أزمة فعلية في خدمات الاتصال، ما يتيح للرجل استخدام هذا الظرف لصالحه، مضيفة: "هترجع البيت، المدام هتقولك: ليه تليفونك مقفول؟ رد بكل ثقة وقولها: الشبكة كانت بايظة."

هي عارفة.. بس مش هتعرف انت كنت فين

وتابعت بسخرية : "مراتك عارفة إن الشبكة فعلاً كانت واقعة، ومفيش حد بيكذب، بس في نفس الوقت، هي مش هتعرف كنت فين ولا كنت بتريح دماغك فين، ودي ميزة لازم تستغلها دلوقتي، ويمكن نعرف التفاصيل بعدين."

أثارت تصريحات عز تفاعلًا واسعًا على مواقع التواصل الاجتماعي بين من رأى فيها خفة ظل وذكاء في التعامل مع الأزمات اليومية، وبين من انتقدها لاعتبارها تستخف بثقة الشريكة وتروج لفكرة الهروب من المسؤولية.