رضوان الزياتي: زيزو أخطأ بنشر البيان.. الصمت أنسب والرد يكون في الملعب
اعتبر الناقد الرياضي رضوان الزياتي أن اللاعب أحمد سيد "زيزو" لم يُحسن التصرّف بنشر بيانه الأخير، رغم تفهّمه لمضمون الرسالة التي حملت دفاعًا عن النفس وردًا على الإهانات والتنمر.
وقال الزياتي، في تغريدة على صفحته الشخصية عبر منصة "إكس": "أنا شايف أن زيزو أخطأ بنشر هذا البيان ليس بسبب المحتوي ولكن لأنه بيفتح عليه أبواب هجوم من أعدائه!! في رأيي الصمت أفضل .. والرد يكون في الملعب".
بيان زيزو
كان زيزو قد نشر بيانًا عبر صفحته الرسمية على موقع تبادل الصور والفيديوهات "إنستجرام" قال فيه: "السؤال الوحيد والأوحد اللي مش عايز يطلع من دماغي ونفسي ألاقي لي إجابة! هو بجد لما حد يخوض في عرض الناس ويقعد يشتم فيهم ويسب ويتنمر ووودا بيعود ولا بيرجع عليه بإيه!.. هل بيروح البيت بيلاقي بيته اتغير، طيب بيبص تحت بيته بيلاقي العربية اللي نفسه يجيبها؟ طيب ولاده وصلو للمكانة اللي بيتمناها ؟ طيب عيش أبوه وأمه في حاجة يستحقوها! مش قادر استوعب فعلا الموضوع".
وتابع زيزو: "بلاش أنت، هل اللي بتخوض في عرضه دا وبتشتمه وتتنمر عليه بيصحي بعد شتيمتك دي مش شغال نفس الشغلانة؟ معندوش نفس البيت؟ طب والعربية؟ حياتكو يعني اتغيرت؟ الإجابة لا !! طيب ليه بتعمل كده، عمال تكبر وتكتر في ذنوب اللّٰه أعلم هتعرف تمسحهم ولا لا و مفيش حاجة على أرض الواقع بتتغير بعد الشتيمه دي كلها !! مش بتشوف كل الناس اللي فجاءه مبقوش حواليك؟ دي مش حاجة تخليك تتعظ! تخليك تفكر أنا بعمل كده ليه و عشان إيه".
واختتم زيزو: "فكر كويس عشان واللّٰه ما في حاجه مستاهلة، اعرف إن رزقك كده كده ربنا كاتبه لك وأنت بتختار الطريقة اللي بيجيلك بيها الرزق فا خليها دايما طريقك كويسة وافتكر دايما إنها مش دايمة، صباحكم جميل".
الزمالك يتهم زيرو بالكذب والافتراء ويطالبه بالتعويض
أكد الإعلامي أمير هشام، أن نادي الزمالك يرى أن زيزو كان لديه مستحقات تقدر بـ8 مليون جنيه فقط، وتم توقيع عقوبات ضده، بعدما انقطع عن التدريبات، وساهم في خسارة الفريق لعدة مباريات.
وقال هشام عبر برنامجه بلس 90 على قناة النهار: الزمالك قام بالرد على شكوى زيزو ويؤكد أن اللاعب كان له مستحقات لا تتخطى 8 ملايين جنيه.
