والد حسام حبيب لـ نيوز رووم: شيرين كانت عاوزة راجل.. كانت بتقولي هو أنا مستحقش يتصرف عليا

ردَّ حسين حبيب، والد الفنان حسام حبيب، على استياء نجله من تصريحاته السابقة، التي قال فيها إنه "مش راجل"، موضحًا السبب وراء كلامه، وذلك بعد ظهور حسام في برنامج "العرافة" مع الإعلامية بسمة وهبة.

وفي تصريحات خاصة لـ"نيوز رووم"، قال حسين حبيب:"لما قلت عليه مش راجل، كان بسبب أنه طلع قال أنا عملت نفسي ليها سجادة قلت له: شيرين مش عاوزة سجادة، عاوزة راجل يشكمها ويبقى راجل في نظرها".

وأضاف والد حسام حبيب: " لما يقول أنا عملت نفسي ليها سجادة، يبقى بيهين أهله وناسه، هي دي مش إهانة لينا؟ ليه بتبوظ كرامتك علشان شيرين؟ هي مش عاوزة سجادة، هي عندها إمكانيات قوية وعاوزة اللي أقوى منها".

وأضاف حسين حبيب: "أمال أنا شيرين بتحترمني ليه؟ علشان راجل،وبتحبني وبحبها كبنتي وكفنانة، وهي مشهورة وناجحة.

شيرين بتحب الراجل الناجح

وتابع والد الفنان حسام حبيب: " مش بتشتغل ليه طيب؟ وهي دي عقدة شيرين، شيرين بتحب الراجل الناجح، قالت لي يا بابا: هو أنا مش مستحقش راجل يصرف عليا؟ يملا التلاجة؟ هو مقصر في حق نفسه، كان قاعد في البيت عندها مش بيعمل حاجة، إزاي تحترمه هي؟"

وأكمل والد حسام حبيب: "أنا بحب ابني أكتر من شيرين، وعاوزه يكون كويس، بس بقوله: أنت بقالك 23 سنة مش مطلع غير أربع ألبومات، مقصر في حق نفسك، بتعمل إيه طول النهار؟ لو الوسط مش عاجبك، اعمل أي مشروع، تجارة عربيات، مقاولات، لو مش بتحب الوسط، أنت بتقول أنا مش شكل الوسط، طيب ما ابعد عنهم".

وأردف: "قبل ما يتجوز شيرين، كان بيطلع أغاني حلوة وناجحة، مش في نجاح شيرين بس، كان قريب من تامر وحماقي.

حسام حبيب ينتقد والده 

كان الفنان حسام حبيب، وجّه انتقادًا لوالده، حسين حبيب، بسبب تصريحاته السابقة حول علاقته بالفنانة شيرين عبد الوهاب.

وخلال لقائه في برنامج العرافة على قناة النهار، مساء الثلاثاء، أعرب حسام عن استيائه من حديث والده، قائلاً: لما شيرين تتكلم عني، يطلع يكتب على صفحته ويقول أصل شيرين كانت عايزة راجل؟، مشيرًا إلى رفضه لمثل هذه التصريحات.