شمس: ستسألون عن قذارة تعليقاتكم
شمس البارودي تتعرض لانتقادات بعد تصريحاتها لنيوز رووم عن قانون الإيجار القديم
تعرضت الفنانة شمس البارودي لبعض الانتقادات بعدما اعترضت على إقرار قانون الإيجار القديم، خلال تصريحاتها لـ نيوز رووم.
وردًا على الانتقادت التي تعرضت لها، كتبت شمس عبر حسابها بموقع فيسبوك: “لسوء خلق بعض المعلقين لكلامي في موضوع الإيجار القديم، بقولهم إنهم ميتون وسيسألوا على قذارة تعليقاتهم، فعلا محتاجين تفعيل قانون العيب الله يرحم السادات”.
وقالت شمس البارودي في تصريحاتها تعليقًا على إقرار قانون الإيجار القديم: “كلنا هنموت. فأنت ليه تقرر لي امشي امتى؟ ما حتطش ده في العقد ليه؟ الشقق اللي بتفضى بتتأجر بالدولار والمالك حر لكن مش من حقه يمشيني”.
شمس البارودي: بدفع 2000 جنيه في الشهر
وأضافت: "أنا بدفع الفين جنيه في الشهر.. وبيزود علينا ومش بنقول لأ، لكن عيب تقولي أخرج بعد كام سنة.. أنا ما شفتش القانون ده في حياتي”.
شمس البارودي: عقودنا مستوفية حقها ولا يجوز فسخها
وتابعت شمس: "عقودنا مستوفية حقها ولا يجوز فسخها، وممكن تزود الإيجار بالمعقول، وأنا مش هورث الشقة لأولادي، لأنهم مستقلين في بيوتهم
وأردفت شمس البارودي خلال حوارها مع نيوز رووم: "عايشين في رغد من خير حسن يوسف، ومستقرين وآمنين تقلبولنا حياتنا ليه؟
وطالبت شمس البارودي بتفعيل قانون العيب، وليس قانون الإيجار القديم، :"ده عيب. السادات كان عمل قانون العيب إحنا عاوزين نفعله".
وتسائلت: “ينفع كل واحد باع شيء زمان، يرجع في كلامه ويقول لا أدوني فلوسها بقيمتها الآن! هل الورثة يولعوا في رحهم علشان أبوهم باع بأسعار زمان وراحت العمارة كلها عليهم”.
وتابعت: "عمارة بجوارنا مباشرة كان فيها الدكتور عصمت عبد المجيد رحمة الله عليه، الشقق فيها تمليك كانت بـ 10 و15 ألف جنيه، الفنانة صباح كان عندها شقة تمليك، وكانت عاوزة تبيعها لحسن بـ 20 ألف جنيه
واختتمت شمس البارودي حديثها قائلة: “العقل والمنطق يحكموا الأمور علشان الكل يبقي مرتاح، هو زي ما بيقولوا مش كرسي في الكلوب على ناس آمنين ووقيعة بين أفراد الشعب عيب بجد عيب كل واحد ياخد حقه بالاحترام والأدب والمنطق والرحمة”.
