فارس حميدة يهاجم حمو بيكا بعد حديثه عن حذف أغاني أحمد عامر: ما تضلّش الناس
شنّ المطرب المعتزل فارس حميدة، صاحب أغنية "الحمد لله"، هجومًا لاذعًا على مطرب المهرجانات حمو بيكا، وذلك بعد تصريحات الأخير التي أدلى بها حول سبب حذفه لأغاني الراحل أحمد عامر من قناته على يوتيوب، تصريحات بيكا أثارت استياء فارس حميدة، الذي اعتبر أن تبريرات بيكا غير منطقية ومليئة بالتناقض، مشيرًا إلى أن الأمر لا يخلو من رغبة في لفت الأنظار وتحقيق "اللقطة"، على حد تعبيره.
تصريحات فارس حميدة
وكتب فارس حميدة عبر حسابه الرسمي على موقع "فيس بوك"، معلقًا على فيديو لحمو بيكا، قال فيه: "أنا ما مسحتش المهرجانات اللي عندي أنا والمرحوم أحمد عامر علشان حرام، أنا مسحتها علشان خلاص دا راجل اتوفى وملهاش لازمة"، مضيفًا: "أنا ما اعتزلتش ومش هعتزل، إحنا مش بنعمل حاجة غلط ولا بنعمل حاجة حرام".
من جانبه، رد فارس حميدة قائلًا: "يعني ما مسحتهاش علشان حرام؟! يعني كنت بتاخد اللقطة ولا إيه؟"، وتابع مهاجمًا موقف بيكا: "أنا عاوز أقولكم إن أصلًا المهرجان ولا المهرجانين اللي كانوا عند حمو بيكا حاجات مش جايبة مشاهدات ولا كانت عاملة تريندات، ولو كانت جايبة ملايين المشاهدات، هل كنت هتمسحها بردو؟!".
وفي لهجة لا تخلو من التحدي، طالب فارس حميدة بحذف جميع الأعمال التي يظهر فيها المطرب المعتزل علي قدورة، قائلًا: "طب ما تمسح المهرجانات اللي فيها علي قدورة، ما الراجل تاب وتبرأ منها، وأظن ملهاش لازمة وجوده في المهرجانات برضو".
كما انتقد فارس بشدة تبريرات بيكا بعدم وجود حرمانية فيما يقدمه من محتوى، قائلًا: "هو إيه اللي مش حرام؟! ده حتى لو هنتكلم زي الناس اللي بتبرر خلاف تحريم الموسيقى علشان يرضوا هواهم، فكل اللي بتعملوه حرام من أول التحريضات لحد الإيحاءات، كله حرام في حرام".
واختتم فارس حميدة رسالته بتوجيه تحذير شديد اللهجة، جاء فيه: "المصيبة مش إنك تعصي ربنا أو تعمل ذنب، المصيبة إنك تستحل الذنب وتبرر لنفسك إنه مش غلط، وتكمل فيه وأنت مطمّن، بل توصل إنك تضل غيرك كمان. أنت حر تعمل اللي عاوزه، لكن ما تضلّش الناس، لأن اللي بيتابعوك ممكن يصدقوا كلامك، ويصدقوا إنكم فعلًا مش بتعملوا حاجة غلط".
الجدير بالذكر أن فارس حميدة كان قد اعتزل الفن منذ سنوات، ووجّه دفة اهتمامه إلى الإنشاد الديني، بعد أن أعلن توبته وتخليه التام عن أغاني المهرجانات التي اشتهر بها في بداياته.
