إفطار اليوم...طريقة عمل لازانيا الطاسة والحلو بلح الشام
مع حلول يوم 12 رمضان، تحتار بعض ربات المنزل في اختيار الأكلات والأطباق على مائدة الإفطار، فنقدم لكم من خلال السطور التالية بعض الأفكار البسيطة التي تساعدك في تحضير سفرة رمضان.
طريقة عمل لازانيا الطاسة
المقادير
• 6 شرائح لازانيا جاهزة
• 250 جرام لحمة مفرومة
• 1 بصلة مفرومة
• 2 فص ثوم مفروم
• 3 حبات طماطم مبشورة
• 2 ملعقة كبيرة صلصة طماطم
• 1 ملعقة صغيرة زعتر
• ملح وفلفل أسود حسب الرغبة
• رشة سكر
• 1 كوب ماء ساخن
• 200 جرام جبنة موزاريلا
• 100 جرام جبنة رومي مبشورة
• 4 شرائح لانشون (اختياري)
طريقة التحضير
1- في طاسة، نشوّح البصل في نقطة زيت حتي يذبل، وبعدها نضيف الثوم ونقلب.
2- ننزل باللحمة المفرومة ونقلبها لحد ما لونها يتغير، وبعدها نضيف الملح والفلفل والزعتر.
3- نضيف الطماطم المبشورة مع الصلصة ورشة السكر ونسيبها تتسبك لمدة 10 دقايق، ولو احتاجت ماء نضيف كوب صغير.
4- في طاسة واسعة، نحط طبقة من الصوص، وبعدها شريحة لازانيا، ونكرر الطبقات لحد ما نخلص الكمية.
5- نوزع اللانشون (لو هنستخدمه) فوق آخر طبقة، ونغطيها بالجبنة الموزاريلا والجبنة الرومي.
6- نغطي الطاسة ونسيبها على نار هادية لمدة 15 دقيقة لحد ما اللازانيا تستوي والجبنة تسيح.
7- نرش زعتر على الوش، ونقدمها سخنة.
طريقة عمل بلح الشام
المقادير:
• 1 كوب دقيق
• 1 كوب ماء
• 1 ملعقة كبيرة زبدة
• 1 ملعقة كبيرة نشا
• 1 ملعقة صغيرة فانيليا
• 3 بيضات
طريقة التحضير:
1- في حلة على النار، ضيفي الماء مع الزبدة وسيبيهم يسخنوا.
2- ضيفي الدقيق على النشا وقلّبي كويس جدًا بمعلقة خشب لمدة دقيقتين، ثم ارفعيه من على النار وسيبيه يبرد لمدة 10 دقائق.
3- بعد ما يبرد، ضيفي البيض والفانيليا واحدة واحدة مع الخفق المستمر لحد ما العجينة تبقى متجانسة.
4- عبّي العجينة في كيس حلواني، وشكّلي بلح الشام في زيت بارد.
5- ارفعي النار تدريجيًا وسيبيه لحد ما لونه يبقى ذهبي.
6- طلّعيه من الزيت، وسيبيه دقيقة واحدة، ثم غطّسيه في شربات بارد.
7- قدميه واستمتعي بأحلى بلح شام بيتي.
