"هتوحشنا يا شيكا".. بهذه الطريقة ودع حازم إمام قائد الزمالك

حرص حازم إمام نجم الزمالك السابق، على توديع محمود عبدالرازق شيكابالا، قائد الفريق الأبيض، بعد قرار الاعتزال بشكل رسمي وانهاء مسيرته في الملاعب.

ويُعد محمود عبد الرازق" شيكابالا"، اللاعب الأكثر حصولًا على بطولات في تاريخ نادي الزمالك، برصيد 18 بطولة خلال مسيرته منذ ظهوره الأول بالقميص الأبيض.

ونشر حازم إمام عبر صفحته الشخصية بموقع التواصل الاجتماعي "إنستجرام"، صورة تجمعه بشيكابالا، في نهائي كأس مصر الماضي، وكتب عليها: "هتوحشنا يا شيكا".

وأعلن محمود عبدالرازق شيكابالا قائد الفريق الأول لنادي الزمالك الاعتزال بشكل رسمي وإنهاء مشواره الكروي في الملاعب المصري بعد حوالي 32 عاما في الملاعب.

مشوار محمود عبدالرازق شيكابالا حافل بالإنجازات مع نادي الزمالك ، سواء من ناحية البطولات والألقاب أو الإنجازات الفردية أيضا.

وعلى الفور قرر مجلس إدارة نادي الزمالك برئاسة حسين لبيب بالتنسيق مع جون إدوارد المدير الرياضي للفريق ، حجب القميص رقم 10 في الموسم المقبل، والذي كان يرتديه محمود عبد الرازق"شيكابالا" قائد الفريق، بعدما أعلن اللاعب اعتزاله لكرة القدم.

يأتي ذلك تقديراً لـ"شيكابالا" الذي يعد أحد أساطير القلعة البيضاء، ولتكريم اللاعب على مسيرته الكبيرة مع نادي الزمالك.

حازم إمام يعلن الرحيل عن الزمالك

وأعلن حازم إمام ، رحيله عن منصب عضو لجنة التخطيط بنادي الزمالك، قائلا في تصريحات إذاعية: "بخصوص لجنة التخطيط خلاص مبقناش موجودين ومبقاش لينا دور ومفيش حاجه اسمها لجنة تخطيط"

أضاف "الكلام ده قولناه من زمان اول ما يجيي مدير رياضي إحنا خلاص ملناش وجود واصلا الموضوع مكنشي بالشكل ده يعني".

أكمل "في حاجة مش هقول بتضايقني لكني مش مبسوط منها لما اطلع اتكلم في حته، الناس حصراني في حته حازم إمام عضو لجنة التخطيط .. كأني بقول حاجه من جوا الزمالك لأ".

وتابع "الموضوع انتهى تماما و حالياً مش متواجدين سواء أنا ولا عمرو الجنايني وميدو كان كتب كمان، وكل التوفيق لمجلس الإدارة وكل التوفيق  لجون إدوارد لو في حاجة استشاري أكيد مرحب في أى وقت من الأوقات".

وأوضح "في ناس بتقولي كلم جون فى لاعب فلاني والله هو اللى مسؤول عن كل حاجة واحنا منعرفش حاجة ومدخلناش في اي حاجه وهو اللي بيقود مع كابتن حسين لبيب والمجلس وانا والله العظيم مكنتش اعرف مين  المدرب اللى جاي والمجلس وكابتن حسين هما اللي جابوا الناس".

وأردف "شوفت بوست لكابتن أيمن الرمادي في منتهى الجمال وكأنه واحد من أبناء الزمالك وإنه مش هيشتكي علشان مستحقات وكان كلامه محترم جدا وربنا يوفقه".

وشدد "النهارده المدرب الجديد للزمالك يانيك فيريرا وصل واعتقد هيتقدم النهارده أو بكره بالكتير وكل التوفيق له".

واختتم تصريحاته: "الفكرة اللي موجوده اتمنى ليها التوفيق مدرب كويس اشتغل في الدوري البلجيكي والدوري السعودي عارف المنطقة العربية وصغير في السن هو المساعدين هياخدوا الأربعة تقريباً 50 ألف دولار".