ممدوح عباس يتكفل بمباراة اعتزال عالمية لـ شيكابالا
في مفاجأة صادمة لجمهور نادي الزمالك، أعلن قائد الفريق “ محمود عبد الرازق شيكابالا ” اعتزاله كرة القدم بعد مسيرة كبيرة من العطاء ، و بالتحديد من خلال ظهوره الإعلامي رفقة الإعلامي إبراهيم فايق، في برنامجه “ الكرة مع فايق ”
ممدوح عباس يتكفل بمباراة إعتزال شيكابالا
و في مداخلة هاتفية بعد إعلان شيكابالا كرة القدم بشكل نهائي ، تحدث رئيس نادي الزمالك السابق “ ممدوح عباس ” باكيًا على اعتزال الفهد الأسمر قائلًا : شيكابالا ابني ومتهم دائما انه اسمه شيكابالا ممدوح عباس ، دموعي مالية عنيا وبكيت قدام مراته علشان شيكابالا ميعتزلش
و تابع رئيس نادي الزمالك الأسبق “: شيكابالا ده هيفضل حدوتة نادي الزمالك وفينجادا قال عليه من احسن 10 لاعبين في العالم”واختتم “: هعمل لشيكابالا مباراة اعتزال محصلتش واللي هو عاوزه هعمله”
شيكابالا يعلن اعتزاله رسميًا
بعد رحلة استمرت 20 عاما على المستطيل الأخضر، اليوم الخميس 3 يوليو 2025 ، أعلن محمود عبد الرازق شيكابالا أسطورة نادى الزمالك اعتزال كرة القدم .
وقال شيكابالا عبر قناة "إم بي سي مصر2”: انتهت رحلتي مع كرة القدم، أنا حاسس أنى قدمت كل حاجة مع الزمالك وكرة القدم وكان لازم اخد القرار ده"، مضيفا قدمت كل حاجة وجمهور الزمالك هيفضل في قلبي"
وأضاف شيكا، " أنا شايف حب الناس ليا وجمهور الزمالك هيفضل يحب شيكابالا بعد الإعتزال، كان في ناس كتير طلبت منى أكمل سنة كمان لكن أنا شوفت أن ده المناسب".
وأوضح: "كنت واخد قرار الإعتزال اخر الموسم ولكن أجلت الإعلان علشان محمد عبدالشافي كان رافض يعمل مباراة اعتزال فكان لازم يتكرم بالشكل اللي يليق بيه من الجمهور في نهائي كأس مصر".
وتابع: "ميدو جالي لحد البيت علشان كان فاكر أن في حد بيضغط عليا علشان اعتزل، قالي مينفعشي تعتزل دلوقتي لو أنت مش عايز وانت لسه في عقدك سنه وأنت صاحب القرار.. لكن أنا كان قراري اعتزل الموسم ده بدون أي ضغوط".
و اختتم :" قرار اعتزالي ليس وليد اللحظة، قراري توصلت اليه العام الماضي بالاعتزال وهي دي سنة الحياة، أشعر أنني قدمت كل مافي وسعي للنادي والرحلة نهايتها قفلت حلو بلقب كأس مصر"
