18 لقبا .. شيكابالا الأكثر تتويجا بالبطولات مع نادي الزمالك
أعلن محمود عبد الرازق شيكابالا، قائد نادي الزمالك، اعتزاله النهائي كرة القدم، بعد مسيرة حافلة مع القلعة البيضاء حقق خلالها عددا كبيرا من البطولات المحلية والجماعية.
وقال شيكابالا في ظهوره على قناة MBC MASR :" قرار اعتزالي ليس وليد اللحظة، قراري توصلت اليه العام الماضي بالاعتزال وهي دي سنة الحياة، أشعر أنني قدمت كل مافي وسعي للنادي والرحلة نهايتها قفلت حلو بلقب كأس مصر".
ويعد شيكابالا اللاعب الأكثر تتويجا بالألقاب مع الزمالك حيث حصد 18 لقبا محليا وقاريا.
شيكابالا مع الزمالك
خاض 396 مباراة
سجل 70 هدفا
صنع 89 هدفا.
بطولات شيكابالا مع نادي الزمالك
بطولة الدوري المصري 4 مرات
كأس مصر 7 مرات
كأس السوبر المصري مرتين
دوري أبطال أفريقيا مرة
كأس السوبر الأفريقي 3 مرات
الكونفدرالية مرة وحيدة
وقال شيكابالا عبر قناة "إم بي سي مصر2”: انتهت رحلتي مع كرة القدم، أنا حاسس أنى قدمت كل حاجة مع الزمالك وكرة القدم وكان لازم اخد القرار ده"، مضيفا قدمت كل حاجة وجمهور الزمالك هيفضل في قلبي"
وأضاف شيكا، " أنا شايف حب الناس ليا وجمهور الزمالك هيفضل يحب شيكابالا بعد الإعتزال، كان في ناس كتير طلبت منى أكمل سنة كمان لكن أنا شوفت أن ده المناسب".
وأوضح: "كنت واخد قرار الإعتزال اخر الموسم ولكن أجلت الإعلان علشان محمد عبدالشافي كان رافض يعمل مباراة اعتزال فكان لازم يتكرم بالشكل اللي يليق بيه من الجمهور في نهائي كأس مصر".
وتابع: "ميدو جالي لحد البيت علشان كان فاكر أن في حد بيضغط عليا علشان اعتزل، قالي مينفعشي تعتزل دلوقتي لو أنت مش عايز وانت لسه في عقدك سنه وأنت صاحب القرار.. لكن أنا كان قراري اعتزل الموسم ده بدون أي ضغوط".
