رضوى الشربيني لـ شيرين عبد الوهاب: "كفاية كده..انتي أقوى من كل ده”
في حلقة خاصة ومليئة بالمشاعر من برنامج “هي وبس” الذي يُعرض على شاشة DMC، وجّهت الإعلامية رضوى الشربيني رسالة إنسانية مؤثرة ومباشرة إلى النجمة شيرين عبد الوهاب، عبّرت خلالها عن قلق الجمهور ومحبّيه بسبب ما مرت به شيرين من أزمات شخصية ومهنية أثارت الجدل خلال الفترة الأخيرة.
رضوى الشربيني تعاتب شيرين عبد الوهاب
استهلت رضوى الشربيني حديثها برسالة صريحة للمطربة شيرين عبد الوهاب حملت الكثير من العتب والحب في آنٍ واحد، حيث قالت: “الناس زعلانة منك أوي، وزعلانين عليكي أوي، لأنك غالية على قلوبهم… أنتي أقوى من كل اللي فات، حتى لو الموقف كان صعب. أنتي اللي قلتي عن نفسك: أنا كتير، أنا ألف حاجة على بعضها في حاجة واحدة.”
لم تُخفِ رضوى الشربيني نقدها لبعض قرارات شيرين عبد الوهاب في الفترة الأخيرة، سواء على المستوى الشخصي أو المهني، مشيرة إلى أن اختيارات غير موفقة في العمل أو الأشخاص المحيطين قد تكون كفيلة بتقويض نجاحات كبيرة، قائلة: “اختيار غلط، شغل غلط، وناس غلط حواليكي.. ده كفيل يهد كل اللي بنعمله في سنين.”
شيرين عبد الوهاب ليست فنانة عادية
وأضافت رضوى الشربيني قائلة: “شيرين عبد الوهاب مش فنانة عادية.. دي الست اللي كانت بتطلع الموضة على المسرح، وكانت بتخطف قلوب الناس بحضورها وصوتها… وربنا مديكي حب الناس، اللي قليلين أوي بياخدوه… يلا بقى كفاية كده.”
وشددت رضوى الشربيني على أهمية حب الذات كعنصر أساسي في تجاوز الأزمات، لا سيما في حياة المرأة، قائلة: “لازم تحبي نفسك شوية، لأن نص أغانيكي بتقول للستات إزاي يحبوا نفسهم، يبقى أنتي أول واحدة لازم تطبقي ده.”
توعية للفتيات: الحب مش كفاية.. والأمان أهم
وفي سياق الحلقة، وجّهت رضوى الشربيني مجموعة من النصائح للفتيات حول العلاقات العاطفية، محذرة من التسرع في إطلاق مسمى “الصداقة” بعد الانفصال، ومؤكدة على أن العلاقة الناجحة لا تُقاس فقط بالمشاعر، بل بـالإحساس بالأمان والاحترام والنية في الاستمرار، حيث قالت: “لما تكوني في علاقة، لازم تكوني حاسة إنك ست آمنة ومطمئنة… العلاقة اللي ليها مستقبل ومحترمة، هي دي اللي تعرفي إنها مع الراجل الصح.”
وفي فقرة توعوية بأسلوبها المعتاد، شرحت رضوى العلامات التي تدل على أن الشريك “توكسيك” (سام)، قائلة: “امتى تقولي باي باي؟ لما يبدأ يشكك فيكي، يكدب عليكي، يسخر من شكلك، أو يقولك بطلي كذب… دي مش نكت، دي إشارات خطر.”
واختتمت الإعلامية رضوى الشربيني رسائلها بنصيحة للفتيات حول الزواج، مؤكدة أن السن لا يُعد مقياسًا نهائيًا للاستعداد للزواج، بل الأهم هو الجاهزية النفسية والعاطفية، قائلة: “في واحدة عندها 20 سنة وجاهزة للجواز، وفي واحدة عندها 50 ولسه مش جاهزة… السن المناسب للجواز؟ هو السن اللي تكوني فيه جاهزة فعلًا، مش اللي الناس بتحدده.”
