مسلم يعتذر لنقابة الموسيقيين ومصطفى كامل: كنت زعلان لأن بيتي اتخرب
قدم مطرب المهرجانات مسلم اعتذاره لنقابة الموسيقيين وللنقيب مصطفى كامل، بعد الإساءة لهم.
وقال مسلم في فيديو عبر ستوري حسابه بموقع إنستجرام: “كل الناس اللي بتابعني.. أنا بقدم اعتذاري للنقابة كلها.. وسيادة النقيب مصطفى كامل، وبقول له مش عاوزك تزعل مني”.
وأضاف مسلم: “أنا شاب لوحدي وغصب عني مقدرتش استحمل تعبي.. وصعب عليا نفسي لما ملقتش حد بيسأل عليا، وأقل طموحي إني اشتغل زي أي زميل.. وزعلت إني قعدت وبيتي اتخرب.. وحياتي وقعت بسبب عدم الشغل”.
وتابع مسلم: “فضلت قاعد في البيت كاتم جوايا حلمي، وبعتذر لكل الناس الكويسة ولمصطفى كامل وبقول له أنا زي ابنك، وأتمنى تقبل اعتذاري، أنا ما شتمتش حد قلت حسبي الله ونعم الوكيل، وأنتم أخواتي الكبار وأهلي والنفابة بتجيب لي حقي.. وأتمنى أرجع شغلي قريب وده حلم صغير أتمناه يتحقق”.
مسلم يتهم مصطفى كامل بالتسبب في مرضه
كام مسلم وجه اتهامًا صريحًا لـ مصطفى كامل، بعد تعرضه لمشكلة في القلب، حيث اتهم نقيب الموسيقيين بأنه السبب في مرضه، بسبب قرار منعه من الغناء في شهر مارس الماضي، حيث كتب في منشور عبر حسابه بموقع إنستجرام: “حسبي الله ونعم الوكيل مش مسامحك يا مصطفى كامل، أنا اتسد ليا شريان في القلب، وبليل أنا ومراتي بنموت، يا ريت تدعوا لينا، أنا حرفيًا شفت الموت، وحسبي الله في أي واحد سبب في مرضنا كدا، محدش همه زعل الإنسان ولا بينام بليل عامل إزاي بسبب ناس ظلمه كتير”.
وفي وقت سابق، بعد الإعلان عن منع مسلم من الغناء، خرج في مقطع فيديو وهدد فيه النقابة برفع دعوى ضدهم بسبب وقفه عن الغناء دون وجه حق ودون التحقيق معه.
