رانيا محمود ياسين: السوشيال ميديا بتدمر الرموز.. ارحموا السقا ومها الصغير
أعربت الفنانة رانيا محمود ياسين عن استيائها من إصدار أحكام على الفنانين على مواقع التواصل الاجتماعي، مشيرة إلى أن السوشيال ميديا تسببت في الاساءة للنجوم ومحاولة تشويه صورتهم والإساءة لهم.
وكتبت رانيا محمود ياسين عبر حسابها الخاص بموقع فيسبوك: “نفسي تسكتوا شوية ودع الخلق للخالق، نفسي تفهموا من ٩٩% من اللي بيتصدر علي السوشيال ميديا حلو أوي وحش غلط أو مستفز أو عايزك تشتم الشخصيات العامة علشان تكره عشيتك وتشوفهم دايما ناس ما يعرفوش ربنا أو نرجسين أو متربوش أو مغرورين، وده مقصود وعن عمد علشان الفنانين مثلا بعد ما كانوا قوى ناعمة ومؤثرين يبقوا الناس المفضوحين محدش منهم يبقي قدوة ولا رمز ولا قيمة مؤثرة زي زمان”.
وأضافت رانيا محمود ياسين: “محدش سأل نفسه ليه زمان الفنان كان قدوة ومؤثر لأن مكنش في أداة مدمرة اسمها السوشيال ميديا وكان في حاجة كيوت أوي بالنسبة دلوقتي اسمها الصحافة الصفرا بس عمرها ماكانت مؤثرة. بلونة وبتفرقع وتخلص لكن الهري دلوقتي لازم يدخل في اسبوع كأحد أقصى”.
وتابعت رانيا محمود ياسين: “نفسي تبطلوا تصدروا أحكام من السوشيال ميديا لأن والله أداة كاذبة بكل بصفحاتها ومنشتتها المستفزة فيديوهتها اللي بتتقال بأصوات ناس مجهولة عايزة تعمل ريتش وفلوس علي حس سمعة الفنانين ومعظم النقل كاذب فيما عدا لايف وبعض الصحفيين المتخصصين الي بيحاولوا يقولوا الحقيقة في وسط كم الزيف الي بيتصدر”.
ارحموا السقا ومها الصغير
وأردفت: “على سبيل مثال السقا ومها ناس مش رحماهم، سيبهم في حالهم ارحموا أولادهم كلنا عندنا بيوت ومشاكل وأولاد بنخاف علي شكلنا وشكلهم بطلوا تصدروا أحكام، ادعوا ربنا يهدي الامور يصلح الأحوال بدل الهجوم طول الوقت عليهم وعلي غيرهم وذكري لسقا ومها لان ده موضوع الساعة وربنا يهدي يارب ويرحمنا من هذه الأداه التي تدمر القيم والرموز”.
واختتمت رانيا محمود ياسين حديثها قائلة: “محدش يقولي واحنا مالنا انتم الي بتصدروا حياتكم هرد واقولك لأ السوشيل ميديا بتحاصر حياتنا وبنتصور طول الوقت حتي من غير ما نعرف وبتزيف معظم الحقايق وبتديها اكبر من حقيقتها ده غير اللجان المدفوعه وكفايه كده”.
