الشيف هالة فهمي ترد على انتقادات ارتدائها الخمار الشرعي

وجهت الشيف هالة فهمي، رسالة لكل منتقدي ظهورها على الشاشة خلال برنامج الطبخ الذي تقدمه أثناء ارتدائها للخمار مؤخرا.

هالة فهمي ترد على انتقاد ارتدائها الخمار

قالت "فهمي" خلال حلقة برنامجها "ست الحبايب" عبر شاشة "هي"، إن قرارها جاء ابتغاء مرضاة الله، لذا فإنها لا تهتم بما يقال عنها.

أوضحت: "العين واخدة على الشاشة على فئة معينة.. فلما يجي حد ميجبش الشكل اللي واخدين عليه من ميكب وضوافر نهاجم.. فالحمد لله ممكن ربنا يجعلني سبب إن المفهوم ده يتغير ويبقى موجود ده وده".

تابعت: "طالما أنا مأسأتش ليكي ولا الشكل تعب عينك يبقى ده حرية شخصية ولو حسيتي إن ضايقك حولي القناة".

وأكدت على أنها لم تخشى من أن يتم حرمانها من الظهور على الشاشة بعد اتخاذها قرار الخمار، وإلا كانت ضحت بذلك الظهور ابتغاء لله.

لم تتمالك الشيف هالة فهمي دموعها في أول ظهور لها بعد وفاة زوجها.

وعادت هالة فهمي لتقديم برنامجها "ست الحبايب" على قناة "هي" وفي مقدمة حلقة اليوم نعت زوجها وهي متأثرة وقالت: "إيهاب مكنش بس جوزي ولا عشرة عمري كان أخويا وأبويا وابني، أنا اتجوزته وأنا صغيرة، أنا عشت معاه أكتر ما عشت في بيت أبويا".

واضافت هالة فهمي: "لما أبويا مات محستش بالإحساس اللي حساه دلوقتي، وحتى أمي لما ماتت زعلت طبعا لكن غير اللي حاسه بيه دلوقتي، أنا الفترة اللي فاتت دوقت طعم المرار حتى بوق المايه طعمه مر حاسه أني لوحدي رغم كل الناس اللي حواليا".

وتابعت: "أول مرة أطلع حلقة وهو مش قاعد يتفرج، كان عنده الساعة 12 ميعاد مقدس، حتى لما الفترة الأخيرة كان تعبان وساعات يغيب عن الوعي كان يركز وقت البرنامج ويطلب يفتحوا التليفزيون".

واختتمت كلامها: "كنت أرجع وأفضل أحكيله، هو عشرة العمر وحبيب العمر، هتقولولي هو في مكان أحسن، وارتاح ويارب يجعل كل الآلم اللي كان فيه في ميزان حسناته".
ورحل زوج الشيف هالة فهمي في اغسطس عام 2023 بعد معاناة من المرض، وتصدرت الشيف الترند وقتها.