26 يوليو.. حفل نانسي عجرم في الساحل الشمالي
تستعد الفنانة اللبنانية نانسي عجرم، خلال شهر يوليو لإحياء حفلا غنائيا في مصر، ضمن فعاليات صيف 2025، يوم السبت الموافق 26 يوليو، في الساحل الشمالي.
ومن المقرر أن تقدم نانسي خلال الحفل باقة متنوعة من أبرز أغانيها، سواء من ألبومها الجديد أو من أرشيفها الغنائي الحافل بالأعمال الناجحة التي يعشقها جمهورها في الوطن العربي.
تأجيل الألبوم
وكشفت المطربة اللبنانية نانسي عجرم، سبب تأجيل طرح ألبومها الجديد، على هامش حضورها مهرجان "موازين" بالمغرب، في دورته الـ 20.
وقالت نانسي عجرم في إحدى اللقاءات التليفزيونية: "الألبوم جاهز وخلص وكان هينزل ولكن دلوقتي بنمر بظروف مش حلوة في العالم العربي، ولكن إن شاء الله يكون فيه سلام مش عارفة إزاي ولكن لازم يكون فيه طريقة".
وأضافت: "أنا مش كل سنة بنزل ألبوم، فعايزة أكون حريصة إن الألبوم ينزل بظروف حلوة وصحية وياخد حقه، أجلته كام أسبوع على حسب الظروف ولكن هو جاهز".
مهرجان موازين
أما عن حفلها في مهرجان "موازين" بالمغرب، قالت نانسي عجرم: "كنت مشتاقة للمغرب وآخر مرة جيت فيها كانت 2018، ولكن المغرب على طول في البال والقلب، وكنت مشتاقة لتفاعل الجمهور المغربي، ويا رب أكون قدرت ألبي كل الأغاني لأني كنت محتارة أغني ليهم إيه، غنيت اللي كنت محضراه واللي طلبوه وكان في أغاني طلبوها تاني ولكن الوقت مكنش مساعدني فبقيت أغني مقطع من كل أغنية علشان ألحق أغني أكتر عدد من الأغاني".
أغنية "ورانا ايه"
وطرحت الفنانة اللبنانية نانسي عجرم أحدث أعمالها الغنائية بعنوان "ورانا ايه" عبر موقع الفيديوهات “ يوتيوب ” وعدد من المنصات الموسيقية وتأمل نانسي عجرم أن ينال الكليب تفاعلًا كبيرًا من جمهورها.
كلمات الأغنية
وجاءت كلمات الاغنية على النحو التالي: "ورانا إيه؟.. وإيه يعني ورانا؟.. هيكون إيه.. خلونا نفصل.. إيه اللي هيحصل؟.. وفيها إيه؟.. نتجنن ونطير فوق.. هاي هاي.. يلا نطير.. اللّيلة دي هوبا هوبا.. ما تيجوا هنا.. يلا حبة.. نديها بقا رقصة سامبا.. اللّيلة دي جامدة جامدة.. وعيني علينا باردة.. وبوسة معاها وردة.. قلتوا إيه؟.. يا طعمين.. طعامة مافيش منها.. وداخلين في قلبي وقاعدين متربعين.. تروحوا فين؟.. خليكوا هنا.. وما فيش باي باي باي.. فيها لنص الليل.. ما تيجوا هنا.. يلا حبة.. وعيني علينا باردة.. وبوسة معاها وردة".
أغنية "ورانا إيه"، من كلمات وألحان محمد يحيى، وتوزيع باسم رزق، والفيديو كليب من إخراج إيلي رزق الله.
