القطعتين كانوا صعبين.. آراء طلاب الثانوية في امتحان الإنجليزي بالدقهلية

اختلفت الآراء من جانب طلاب الثانوية العامة بالدقهلية، حول امتحان اللغة الأجنبية الأولى، حيث أعرب بعض الطلاب عن مدى فرحهم من سهولة امتحان اللغة العربية، وأعرب البعض الآخر عن مدى حزنهم من صعوبة الامتحان.

 آراء طلاب الثانوية في امتحان الإنجليزي بالدقهلية 
 

في أثناء تغطية الامتحانات قال أحد الطلاب بالدقهلية: " الامتحان كان سهل جدا وفي مستوى الطالب المتوسط او الأقل من المتوسط، يعني الطالب اللي مذاكر نص مذاكرة يعرف يحل الامتحان، مكنش فيه حاجة صعبة غير القطعتين كان فيهم تريكات علشان تفرق بين الطلاب بس، لكن الامتحان بشكل مجمل كويس مش صعب".
 

وقال طالب أخر " الامتحان كان كويس، بس المراقبين بيفتشونا واحنا داخلين وكمان واحنا طالعين على السلم وكمان واحنا فى الفصل، والتفتيش دا كتير وبيخلينا نتوتر ونفقد تركيزنا، مفيش مانع انك تفتشنى بس بالعقل مش كدا".

وقالت طالبة وهي منهمرة في العياط ، "الامتحان كان صعب أووي ومعرفتش أحل حاجه، حرام كدا احنا بنذاكر طول السنة، وفي الآخر مجهودنا ومجهود أهالينا اللي تعبوا معانا يروح على الأرض".

وقال طالب ثانوية عامة بالدقهلية ،" الامتحان كان فى مستوى الطالب المتوسط، يعنى هو مش سهل ومش صعب فى نفس الوقت ، ومحتاج يكون الطالب مذاكر كويس علشان يعرف يجيب فيه درجه كويسة، والوقت كان مكفى أننا نخلص ومكنش الامتحان طويل بس كان فيه كام تريكايه بس هما اللى صعبين".

وتعجب طالب آخر ويسأل عن ليلى وزكى التي تم ذكرهم في القطعة، قائلا: مين هما ليلى وزكى دول، مكملا أن الامتحان كان كويس وفي مستوى الطالب المتوسط، واللى مذاكر هيعرف يحل".

وأدى 64320 ألف طالب وطالبة امتحانات الثانوية العامة بمحافظة الدقهلية، حيث أقيم امتحان اللغة الأجنبية الأولى في 162 لجنه امتحانية على مستوى الإدارات التعليمية بالمحافظة، وذلك وسط إجراءات أمنية مشددة، لضمان سير الامتحانات بشكل طبيعي.
أضاف اللواء طارق مرزوق محافظ الدقهلية إن امتحانات الثانوية العامة تمثل مرحلة فارقة في حياة الطلاب وأسرهم، وأن الدولة بكامل أجهزتها تولي هذه المرحلة أهمية قصوى، مشددًا على ضرورة تضافر الجهود والعمل بروح الفريق الواحد لعبور هذه الفترة بأعلى درجات النجاح والانضباط.