أسماء أبو اليزيد تتحدث عن العنف الزوجي: لو شفت راجل بيضرب ست هضربه
تحدثت الفنانة أسماء أبو اليزيد عن أحدث أعمالها فات الميعاد الذي يُعرض حاليًا، حيث تشارك بطولته مع الفنان أحمد مجدي، من إخراج سعد هنداوي، وتأليف محمد فريد.
وقالت أسماء أبو اليزيد خلال استضافتها في برنامج أسرار النجوم على نجوم إف.إم، إن أكثر ما جذبها للمسلسل أن قصته تشبه قصص كثيرة في البيوت المصرية وشخصياته تشبه الكثير حولنا".
وأضافت أسماء أبو اليزيد: “مشاركتي في المسلسل توفيق من عند ربنا، وأنا تحمست للعمل بمجرد أن قرأت السيناريو”.
مشاهد ضربي في مسلسل فات الميعاد مش حقيقية
وعن مشاهد ضربها في المسلسل قالت: “الضرب مش حقيقي، وأحمد مجدي فنان جميل، وكان دايمًا يقول لي اتوجعتي؟، وفيه صداقة وكيميا بيننا، وإحنا اشتغلنا مشروع الآنسة فرح مع بعض واتبسطنا أوي وكان الشغل حلو ما بيننا فبقينا عارفين بعض وده بان دلوقت في فات الميعاد".
وعن نصيحتها للسيدات اللاتي يتعرضن للعنف الزوجي قالت أسماء أبو اليزيد: “صعب أوي أني أكون بنصح الست اللي بتواجه ده.. ظروف كل واحدة مختلفة عن التانية، في حد ممكن يكست علشان ولاده.. فمش هكون ملمة بكل ظروف الست وهتختلف من ست للتانية.. ولكن كل اللي أقدر أقوله حطي لنفسك حدود وشوفي تعرفي تقبلي لحد فين.. إنتي إنسانة وليكي حدود”.
وأضافت أسماء أبو اليزيد: “أنا لو شفت راجل بضرب واحدة هكون عاوزة أضربه، لكن هكون خايفة تكون هي موافقة وتقولي إنتي مالك”.
وبسؤالها عن أكثر ما يشعرها بالأمان قالت: “اللي بيحسسني بالأمان العيلة والاستقرار والتفهم وإنك تبقى شخص مش محتاج تشرح نفسك ولا تبرر نفسك والصحاب الحلوين السند”.
