محمد فارس لجمهور الأهلي: التزموا واحذروا الوقوع فى فخ الإيقاف غدًا

حذر الإعلامى ومذيع قناة الأهلي محمد فارس، جماهير القلعة الحمراء من إصدار أى تعليقات منافية لآداب العامة للاستاد وعدم رفع لافتات أو ذكر هتافات مسيئة، مؤكدًا أن الجماهير معرضة للإيقاف فى مباراة بيراميدز، مما يؤثر بالتأكيد على ترتيب الجدول. 

وقال فارس من خلال تغريدة له عبر منصة "اكس" :" من بدري قولت هيتعمل فخ لجمهور الأهلي عشان نلعب ماتش بيراميدز بدون جمهور .. الموسم اللي فات رفعوا سعر التذاكر عشان جمهورك ميكونش موجود فالحل البشري منفعش، فاحنا بقى دلوقتي قدام الحل الاصطناعي .. مباراة بيراميدز بعد ماتش الزمالك واتقال رسمي كده أصل جمهور الزمالك اتمنع ماتشين فجمهور الأهلي العقوبة اللي جاية هيتمنع ماتشين". 

إزدواجية المعايير

وأكد فارس ان هناك ازدواجية فى قرارات الإيقاف بين الأهلي والزمالك وتابع قائلًا :" محدش قال ان جمهور الزمالك اتمنع الماتشين بعد ما أخد فرصة واتنين وتلاتة .. إنما أنت محدش هيدي لك فرص في ماتش الزمالك مفيش مراقب مش هيشوف ومفيش مراقب مش هيسمع". 

ووجه فارس حديثه لجماهير القلعة الحمراء قائلًا :" عشان كده الرهان عليك اوعى تحرم الأهلي منك في ماتش بيراميدز .. افتكر إن فريقك محتاجك وإن زي ما الفريق رايح وهدفه الـ ٣ نقط عشان ماتش بيراميدز .. أنت كمان رايح وهدفك متتوقفش عشان ماتش بيراميدز .. خليك فاكر إنك أنت الإستثمار اللي بجد اللي الأهلي استثمر فيه". 

قمة كروية بأجواء روحانية 

على مدار العقود الماضية، وتحديدًا في شهر رمضان الفضيل، شهدت الملاعب المصرية لقاءات متعددة بين المارد الأحمر والفارس الأبيض، امتازت بتفاصيل وذكريات لا تنسى، بعضها حُسم بأهداف قاتلة، وأخرى انتهت بتعادلات مثيرة، لكن العامل المشترك بينهم جميعًا إنها دائمًا ما تحمل  قصصًا مثيرة.

 أُولى مواجهات قطبي الكرة المصرية في شهر رمضان المبارك جاءت بتاريخ السابع من إبريل عام 1957، من القرن الماضي، حينما سطر نجم الأهلي السابق "محمد التابعي" نجمًا لتلك المواجهة بتسجيله لهدفي اللقاء، لينتصر الأهلي في أولى المواجهات الرمضانية.

وجاء اللقاء الثاني أكثر إثارة من سابقه، وبالأخص بعد 8 أعوام، من المواجهة الأولى، وتحديدًا في 29 يناير من عام 1965، وانتهى بالتعادل الإيجابي بهدفين لكل فريق، حيث سجل للقلعة الحمراء" رفعت الفناجيلي، ومحمود السايس"، بينما سجل للقلعة البيضاء، كلًا من" حمادة إمام، وعمرالنور"، وتتوالى بعدها لقاءات أخرى بين القطبين.