أحمد الفيشاوي: "نفسي أدخل الجنة وأشوف وجه الله الكريم"
حل الفنان أحمد الفيشاوي ضيفا في "بودكاست" "حوارات مع عباس" الذي يقدمه الفنان عباس أبو الحسن.وأثناء اللقاء، كشف عن سبب رغبته في العيش وحيدًا بمفرده وبدون زوجة ولا أبناء، مؤكداً أن الأمر متعلق بحبه للفن وصناعة السينما.
وقال أحمد الفيشاوي: "أنا شخصية عايز أبقى لوحدي تمامًا، وأنا كده بقالي 6 سنين ولو ربنا إداني العمر هفضل لآخر نفس عايز أعيش لوحدي، لأني لما بعيش لوحدي معنديش رفاهية أني أخون حد أو حد يخوني، ولا أكذب على حد ولا حد يكذب عليا، ولا أنكد على حد ولا حد ينكد عليا، وأنا لو عندي زوجة أو عيال في البيت مش هعرف أعمل السينما اللي أنا عايزها، لا ضرر ولا ضرار".
تفضيل الوحدة
وتابع أحمد الفيشاوي: "واحدة من مراتاتي قالتلي أنت لو سبتني هتموت لوحدك، والست دي إدتني سكة عمري ما فكرت فيها، وعمري ما كنت هاكمل في الإخراج اللي أنا عايزه، وقلت ليه يبقى عندي 70 ولا 80 سنة وحواليا عيل بيعيط وبنجيب له أدوية وبامبرز، أنا في الآخر هدخل القبر لوحدي ليه يبقى حواليا دوشة وأنا بعد ساعتين هبقى تحت الأرض؟، ما أنا ممكن آخر ساعات في حياتي أقضيها لوحدي على سريري أقول يا رب ارحمني أنا بموت".
وواصل: "وبيقولوا بعد الموت بيجي جسم جديد، ويا ريت بعد الشقى ده كله يكون فعلًا جسم جديد مش رماد، أنا نفسي أروح الجنة وأتمنى أشوف وجه الله الكريم، أنا مؤمن بيه، ولو قابلت ربنا هاقول له وحشتني أوي أنا بحبك من زمان وكان نفسي أشوفك".
فيلم رهبة ورا مصنع الكراسي
وعلي جانب أخر نشر الفنان أحمد الفيشاوي صور تجمعه بالفنان مصطفى غريب، والفنان أحمد رمزي، متذكرًا كواليس تصوير بوستر فيلم "رهبة ورا مصنع الكراسي"، عبر حسابه الرسمي على موقع تبادل الصور والفيديوهات "إنستجرام"، وعلق قائلًا: "كواليس تصوير بوستر فيلم رهبة ورا مصنع الكراسي .. تقدروا تشفوه دلوقتي على osnplay".
أبطال الفيلم
فيلم "رهبة ورا مصنع الكراسي"، من بطولة: الفنان أحمد الفيشاوي، الفنان محمد لطفي، الفنانة ثراء جبيل، الفنانة سما إبراهيم، الفنان محمود البزاوي، الفنانة نسرين أمين، الفنان محمد القس، الفنان إسماعيل فرغلي، الفنان مصطفى غريب، الفنان أحمد رمزي، الفنانة ندى بهجت، الفنان ياسر الطوبجي، الفنان جمال حجازي، الفنان حمدي هيكل، ومن تأليف محمد علام، ومن إخراج رضا عبد الرازق.
