محمد فارس: الفارق بين الهلال والريال كبير لكن الثقة صنعت الفارق
علّق الإعلامى ومذيع قناة الأهلي محمد فارس، على مباراة الهلال السعودي أمام ريال مدريد، التي كانت تتطلب أقصى درجات التركيز والانضباط التكتيكي، داعيَا لاعبي الأهلي إلى استحضار أفضل نسخهم الذهنية والفنية قبل المواجهة المنتظرة أمام فريق بالميراس البرازيلي.
وفي سلسلة تغريدات نشرها عبر حسابه الرسمي بمنصة "إكس"، قال محمد فارس: "الشناوي لازم يبقى شناوي مباراة بالميراس اللي جاب فيها البرونزية.. ياسر وداري محتاجين التركيز والرجولة لمدة ٩٠ دقيقة عايزين ياسر اللي كان قدام ميسي شايف انه ند بند، هاني مش هنعدي الماتش إلا بنسخة هاني بتاع كأس العالم للأندية، حمدي فتحي عايزين حمدي اللي بمستوى وقوة نهائيات".
محمد فارس يطالب لاعبي الأهلي بالتركيز والانضباط قبل مواجهة بالميراس
وأضاف محمد فارس: "اه الهلال عنده محترفين مميزين بس كمان كان بيواجه ريال مدريد . لو بالأرقام فالهلال قيمته التسويقية ١٥٩ مليون يورو في مواجهة الفريق الأعلى كقيمة تسويقية في العالم ريال مدريد مليار ٣٣ مليون يورو. فمهما كان الهلال مميز ولكن الفوارق كبيرة وده واقع إنما المفتاح إن الهلال في الملعب صدق انه قادر مش بس يتعادل لا كمان يكسب ومدرب تعامل مع تفاصيل التفاصيل صح. بقول ده عشان ده اللي احنا محتاجينه في مواجهة بالميراس نصدق ونحترم أهمية التفاصيل وقتها نقدر إن شاء الله".
وتابع "فارس": "ياسين بونو رجل المباراة عن جدارة ٧ تصديات منهم ٥ من داخل من الصندوق وتصدي ناجح لركلة جزاء. المباريات الكبرى تحتاج لحراس كبار . ربنا يكرمك يا شناوي قدام بالميراس".
