عمرو أديب عن مباراة الأهلي: «كان نفسي الفرحة تبقى فرحتين.. والحسرة ما حدث»
علق الإعلامي عمرو أديب على مباراة الأهلي؛ قائلا: «كان بودي، وكنت ءأمل أن الفرحة تبقى فرحتين، يعني أنا طول الوقت عمال بقول يا ربي الماتش بيتذاع والمصريين عاملين كلهم بيتفرجوا ومبسوطين، يلا بقا، الفرحة فرحتين، ولكن الحلو ما يكملش».
وأضاف الإعلامي عمرو أديب خلال تقديم برنامج «الحكاية» والمذاع عبر قناة «mbc مصر»: «طبعا كانت الحسرة ما حدث في موضوع ضربة الجزاء، إزاي يا جماعة دا يحصل، دا انتوا لاعيبة دوليين، يعني يقف زيزو وتريزيجية ولاعيبة الاهلي يتخانقوا؟، وبعدين فين المدرب؟، فين كابتن الفريق؟».
وأضاف «أديب»: «بالمناسة شناوي شال الماتش، بالمناسبة شناوي فعلا لولاه كان لولا لولا، والجول بتاعهم لولاه كان لولا لولا، هل دا معقول يا جماعة؟، وبنلعب في بطولة دولية».
واستكمل: «اجي ابوس على رأس دا واكلم دا، معلش بعد إذن حضرتك انا اللي هلعب، الكورة بتاعتي وانا صاحب الكورة، ويحط الكورة تحت باطه، ثم تحدث المأساة».
موضحا: «مهما كان احساسي تجاه الأهلي ما كنتش احب إنه يضيعها، لا الأهلي ولا تريزيجية، يعني اي الفكرة أو السعادة اللي هتجيلي، ايوا الألعاب بتضيع».
وأكد الإعلامي عمرو أديب: «فيه مدرب برا يشاورله نمرة 7 نمرة 8 يلعب خش أعمل السناوي يعمل مين اللي هيشوط، وعلى فكرة شىء جيد إن الأهلي عاقب تريزيجية، وحركة جيدة، واللي قهرني برده الشحات، في آخر كم انت طالع انت عارف 4 طيارات رايحين يضربوا موقع».
كما علق الإعلامي عمرو أديب، كثرة الاغتيالات التي تعرض لها قادة الإيرانيين؛ قائلا: «اللي مش قادر أفهمه إن عمليات الاغتيال اللي بتحصل في طهران ببساطة الحصول على الجبنة البراميل في مصر، الآن الحرس الثوري يعلن مقتل رئيس استخباراته ونائبه وضابط آخر في غارة إسرائيلية اليوم».
وأضاف «أديب» خلال تقديم برنامج «الحكاية» والمذاع عبر قناة «mbc مصر»: «طب يا جماعة مش عارفين تخبوهم في حته، يعني مافيش مكان الناس دي تقعد فيها؟، الاستهداف غير طبيعي، هذا مجتمع مخترق أمنيا بشكل غير عادي، يعني أ ب أمن الراجل الرئيس النائب بتاعه ما يقعدوش في حته واحدة، مش علمونا كده خدنا كده عند ميس جالانت في الاستخبارات؟، سنة تانية استخبارات، هل دا معقول؟».
