محمد سامي: إحنا بنتعب وبنفكر إزاي نخلي العمل فيه تسليه وجذب جماهيري

قال المخرج محمد سامي إن التميز من الاتقان، وأن أي عمل فني على قدر الجهد المبذول يحدث عامل الألفة بين العمل والمشاهد.

وأضاف خلال حوار مع بود كاست  “Behind The Sheen” المذاع على منصة شاهد مع الإعلامية لبنى عبدالعزيز: «احنا بنتعب جدا، وبتعمل شغلنا بشكل كويس جدا، وبنقعد طول الوقت نفكر إزاي نخلي العمل دا فيه تسليه وجذب جماهيري، ودا في الآخر بيوصل للمشاهد».

واستكمل: «لما يتم وضع الممثل داخل شخصية تخليه طول الوقت يتصرف من خلالها دا بيساعده على أنه يقدم الدور بشكل متقن، لكن لما تسيبيه الشخصية مش مدروسة بيقول الوضع مختلف».

إعداد العمل صعبة 

وتحدث محمد سامي عن المسلسل اش اش قائلا: "اش اش من أحب الأعمال لقلبى ومن حبى فيه اشتغلت عليه وخلصته قبل رمضان لانى كنت عاوز اطلعه بشكل معين ومن أول يوم وأنا بكتبه شفت مى عمر فيه مش حد تانى وكانت فترة إعداد العمل صعبة للغاية نظراً لكثر تفاصيله وأحداثه، وتفاصيل الشخصيات التي يحتوي عليها المسلسل". 

كما أثنى محمد سامي على أداء الفنانة مى عمر وقال: "مى عمرعندها ذاكرة السمكة فى كل حاجة إلا فى الشغل ..رهيبة ومركزة طول الوقت ، ودايمًا مى بتفوق توقعاتى فى الشغل".

خلافات محمد سامي 

واستكمل سامى: "أى شخص بيعطلنى عن شغلى هو عميل ومدسوس وكاره لمنظومة نجاحي، أنا أكره الفشل وأى ممثل اختلفت معاه تأكدى أنه " بليد" وفاشل والعيب عنده مش عندى "، مضيفا  :" دائمًا وأبدًا أنا ردود أفعال لأخطاء الآخرين ، ولا أبدأ بمشكلة فى التصوير لأنه مش من مصلحتى أعمل مشكلة فى مشروعى..  أنا مش ملاك بالطبع ولكنى مظلوم جدا فى كل خناقاتى فى الوسط الفنى".

سبب النجاحات المتكررة

وأكد محمد سامى أن نجاحاته المتكررة مع فنانين بعينهم السبب الرئيسى فيه هو مهارة الممثل ،مشيرًا إلى أن أحمد زاهر بالنسبة له من أفضل من ممثل معه وكذلك تامر حسنى ، مشيرا إلى أنه لايوجد خلافات مع محمد رمضان  ومن الممكن التعاون مجددا ولكن لا نية حاليًا لجعفر العمدة 2.