شوبير: أنا مش همشي ورا السوشيال ميديا.. وعندنا مشكلة في الإعلام الرياضي
انفعل الإعلامي أحمد شوبير حارس مرمى النادي الأهلي الأسبق خلال سؤاله عن سبب وقف برنامجه عبر فضائية «أون سبورت» قائلا: «أنا مش همشي ورا السوشيال ميديا، غلط، إحنا عندنا مشكلة دلوقتي في الإعلام الرياضي إن كتير بيمشي ورا السوشيال ميديا».
وأضاف «شوبير»: «ممكن تلاقي مثلا حد بيقول الأهلي يتعاقد مع رونالدو فتلاقي الناس أوو رونالدو أعمل منشن، لازم أنت يا كابتن ما تقولنا رونالدو، ما مافيش رونالدو بسكت وما بتكلمش، أنا مش همشي ورا السوشيال ميديا».
وحلّ الإعلامي أحمد شوبير حارس مرمى النادي الأهلي السابق ضيفا مع الإعلامية أميرة بدر ببرنامج «أسرار»، والمذاع عبر فضائية «النهار».
أسباب وقف برنامج شوبير
وكشف الإعلامي أحمد شوبير حقيقة أسباب وقف برنامجه عبر فضائية «أون سبورت» قائلا: «جنا وشهد، اتحاد الدراجات اجتمع وقرر إن البنت تسافر الأولمبياد، واللجنة الأولمبية قررت سفر البت للأولمبياد، جبت رئيس اتحاد الدراجات على التلفون وقال هذا الكلام».
واستكمل «شوبير» أن رئيس اتحاد الدراجات قال: «يا فندم احنا أحدنا قرار الإيقاف المحلي وليس الإيقاف الدولي وبالتالي هتسافر، فأنا قولت هذا الكلام، هي اللجنة الأولمبية دي مش دولة ولا أي؟، يبقر القرار قرار مين؟».
وأشار حارس الأهلي السابق: «انا قولت يا جماعه فيه قرار دولة إن البنت تسافر واتحاد الدراجات قال كده واللجنة الأولمبية قالت كده، قوليلي الغلط بقا بتاع أي».
ما دفعتش على ظالم ولا مظلوم
وانفعل الإعلامي أحمد شوبير قائلا: «انا ما دفعتش على ظالم ولا مظلوم، أنا قولت قرارات وجبت رئيس اتحاد الدراجات وقال الكلام دا، قولت يا جماعة الموضوع انتهي، البنت اتاخد قرار بسفرها، نقفل الموضوع دا علشان قرار دولة».
وشدد «شوبير»: «لو چنا دي هتنافس على ميدالية في الأولمبياد كانت هتسافر، بس إحنا معروف إن الدراجات مش هتاخد ميدالية، دي القصة من أولها لآخرها».
توقيت إعلان رابطة الأندية
من ناحية أخرى؛ انتقد الإعلامى أحمد شوبير توقيت إعلان رابطة الأندية المصرية المحترفة برئاسة أحمد دياب فجر اليوم الخميس عن مواعيد مباريات الدور الثانى للدورى المصرى للموسم الجارى دورى نايل 2024-2025 ومواعيد مسابقة كأس عاصمة مصر حتى نهايته، مؤكدًا أنه توقيت غير مناسب .
