ما دفعتش على ظالم ولا مظلوم.. «شوبير» يفجر مفاجأة بشأن وقف برنامجه على «أون سبورت»
حلّ الإعلامي أحمد شوبير حارس مرمى النادي الأهلي السابق ضيفا مع الإعلامية أميرة بدر ببرنامج «أسرار»، والمذاع عبر فضائية «النهار».
قرار اتحاد الدراجات
وكشف الإعلامي أحمد شوبير حقيقة أسباب وقف برنامجه عبر فضائية «أون سبورت» قائلا: «جنا وشهد، اتحاد الدراجات اجتمع وقرر إن البنت تسافر الأولمبياد، واللجنة الأولمبية قررت سفر البت للأولمبياد، جبت رئيس اتحاد الدراجات على التلفون وقال هذا الكلام».
واستكمل «شوبير» أن رئيس اتحاد الدراجات قال: «يا فندم احنا أحدنا قرار الإيقاف المحلي وليس الإيقاف الدولي وبالتالي هتسافر، فأنا قولت هذا الكلام، هي اللجنة الأولمبية دي مش دولة ولا أي؟، يبقر القرار قرار مين؟».
وأشار حارس الأهلي السابق: «انا قولت يا جماعه فيه قرار دولة إن البنت تسافر واتحاد الدراجات قال كده واللجنة الأولمبية قالت كده، قوليلي الغلط بقا بتاع أي».
ما دفعتش على ظالم ولا مظلوم
وانفعل الإعلامي أحمد شوبير قائلا: «انا ما دفعتش على ظالم ولا مظلوم، أنا قولت قرارات وجبت رئيس اتحاد الدراجات وقال الكلام دا، قولت يا جماعة الموضوع انتهي، البنت اتاخد قرار بسفرها، نقفل الموضوع دا علشان قرار دولة».
وشدد «شوبير»: «لو چنا دي هتنافس على ميدالية في الأولمبياد كانت هتسافر، بس إحنا معروف إن الدراجات مش هتاخد ميدالية، دي القصة من أولها لآخرها».
توقيت إعلان رابطة الأندية
من ناحية أخرى؛ انتقد الإعلامى أحمد شوبير توقيت إعلان رابطة الأندية المصرية المحترفة برئاسة أحمد دياب فجر اليوم الخميس عن مواعيد مباريات الدور الثانى للدورى المصرى للموسم الجارى دورى نايل 2024-2025 ومواعيد مسابقة كأس عاصمة مصر حتى نهايته، مؤكدًا أنه توقيت غير مناسب .
قرعه الدور التانى
وقال أحمد شوبير من خلال صفحته الرسمية عبر موقع التواصل الاجتماعي " فيسبوك" : " االله يستركم حد يفهمنى قالوا مفيش قرعه للدور التانى اللي بيحدد البطل والهابطين قلنا تمام دلوقتي طلع جدول الدور التاني عكس اللي قالوه ! وبعدين قالوا في قرعه اتعملت ع السحور! طب بس فهمونا يستركم ربنا ... وبعدين ايه التوقفات دي كلها ؟؟ اه نسيت عشان كاس الرابطة".
واستكمل أحمد شوبير : " بالمناسبه فكرة ان الدورى السنة الجاية 19 نادي دي حتعمل مشاكل كتيره جدا لازم تفكروا في حل من دلوقتي اسمعوا الكلام مفيش دورى ف العالم كله فردى ابدًا والا اقولكم تصبحوا علي خير احسن".
