خلص عليه عشان رفض يغششه.. والدة طالب الدبلوم الفني بالفيوم: عايزه حقه ابني

ذنبه ايه علشان يحصل فيه كدا يقتلة بالشكل والغل دا لية دا طول عمره طيب وجدع وفي حالة من مدرسته لشغله لبيته مش بيزعل حد وكان بيعمل أرزاقى باليومية علشان يساعد أبوة ويساعد فى تكلفة علاجى انا مريضة وبغسل كلى من 9 سنين وباخد 3 جلسات غسيل فى الأسبوع الواحد ربنا العالم بينا وبحلنا عمرة ما زعلنى ولا عمل مشكله واحدة .

وأتمني القصاص العادل من المتهم بقتل أبنى ونور عينى الراح وأخد قلبى معه.. بهذه الكلمات أكدت "ولده مصطفى" طالب الدبلومات الفنية التجارية الذى قتل على يد زميلة لرفضة أن يغششه فى الأمتحان" ابن عزبة منصورالتابعة لقرية سنرو البحرية، بمركزابشواى، بمحافظة الفيوم، في حديثها والذي روت فيه تفاصيل ما حدث لنجلها .

أكدت والدته المجني عليه ان نجلها طالب فى السنه النهائية من الدبلومات الفنية، وكان فى لجنة امتحان أخر العام وطلب منه زميله أن يغششه فى الامتحان لكنه رفض حتى يتمكن من الحل فى كراسة أجابته، فغضب زميلة وتربص بية وتانى يوم انتظرة أمام بوابة المدرسة التى بها اللجنة الامتحانات وعقب خروجة من اللجنة أقترب منه وتحدثوا مع بعض وفجأة انهمر عليهم بسلاح أبيض"سكين" كان فى طيات ملابسه وسط الشارع على مسمع ومرأى من زملاؤه والمارة بالشارع وأصحاب المحلات حتى سقط على الارض غارقا فى دمائة قاموا حتى فارق الحياة بـ 3 طعنات نافذة فى القلب والرئة .

وأضافت ابنى علبان وكان فى حالة يعشقة الكبير والصغير من أهل قريته واصدقائه ، بطالب الرئيس السيسى بالقصاص العادل عايزة اعدام علشان نار قلبى تهدا لان عمرها ما هتبرد على قطعة من قلبى فارقتنى بأيدى الغدر والخسه .

واستكملت شقيقة المجني عليه انه خرج فى السابعة صباحا ليؤدى أمتحانه ككل يوم يذهب فيه الى الامتحان لكن فى هذاا اليوم راح ومرجعش غير فى سيارة اسعاف جثة هامدة.. حسبنا الله ونعم الوكيل فى الوجع قلوبنا على اخويا الطول عمره كان شهم وجدع من الجميع، مؤكده إحنا عايزين القصاص علشان نارنا تبرد لانه مصطفى مكنش اخويا الصغير دا كان أبنى الربيته على الادب والأخلاق وحب الناس،بنطالب الرئيس عبدالفتاح السيسى والنائب العام بالقصاص والاعدام من قاتل شقيقى الراح من غير ذنب غير انه كان فى لجنة فيها واحد فاشل ضيع شاب زى الورد وحطم قلوبنا. 

كانت حالة من الحزن سيطرت على أهالي ، عقب تشييع جنازة طالب فى الدبلومات الفنية بمحافظة الفيوم لقى مصرعه على يد زميلة بـ 3 طعنات لرفضة ان يغششه فى الامتحانات ، وأكد الأهالي أن الفقيد كان يتمتع بالطيبة.