سالي عبدالسلام تتحدث عن حياتها الشخصية.. وتؤكد: راجل وست سخنوا زوجي عليا (فيديو)
عبرت الإعلامية سالي عبد السلام، عن حبها للفنانة هنا الزاهد، موضحةً: "قلبها أبيض، وسلامها حلو، ومرة سلمتها الجائزة في وشوشة وقبلتني على المسرح، وربنا يوفقها، لكن اللي هيجي جنب عيلتي هاكله، إلا الدم".
واستكملت “عبد السلام” خلال حوارها مع الإعلامية بسمة وهبة، مقدمة برنامج "العرافة"، عبر قناتي النهار والمحور: "هنا الزاهد طيبة جدا، بس ربنا يوفقهم كلهم، ومليش تعليق على أي حاجة".
وتعتبر الفنانة هنا الزاهد طليقة الفنان أحمد فهمي شقيق الفنان كريم فهمي زوج ابن خالتها دانيا، وتوترت العلاقات بين هنا وأحمد فهمي بعد الطلاق، وتبودلت بعض التصريحات بين هنا الزاهد وأسرة أحمد فهمي بعد وقوع الطلاق.
وللمرة لأولى؛ تحدثت عن حياتها الشخصية، قائلة الإعلامية: "أنا كنت منفصلة اليومين دول 3 شهور بس متطلقتش، وكان في واحد وواحدة مسخنينه عليّ، وعادي تحصل مشكلات في البيت، هو مستوعبنيش لما قلت له مش عاوزة أبقى مع حد، فا هو فهمني غلط، ولما قلت له أتطلق قالي نتكلم ولا نتطلق، قلت له نتطلق، فقال لي خلاص نتكلم، وأنا فرحت وكنت مستنياه من بدري وقعدت بيه طول عمري لأنه ضابط يخدم الناس والغلابة ويستخدم سلطته بشكل صحيح".
سالي عبد السلام وخالد الجندي
واستكملت الإعلامية سالي عبد السلام أنها تحب الاستماع إلى الدروس الدينية، من الشيخ خالد الجندي، وهناك علاقة عائلية تربطها به حتى لو في ناس بيقولوا إنه عليه علامات استفهام، لكنه خفيف الظل، وينتهج مدرسة الترغيب وليس الترهيب في الدعوة .
أزمة سالي عبد السلام وشيخ الحارة
وأضافت الإعلامية سالي عبد السلام، فى حوارها مع برنامج "شيخ الحارة" تقديم بسمة وهبى، " الشيخ خالد الجندي كتب كتابي إلا هو، وبابا وماما بيموتوا فيه، وساعات بسأله في فتاوى، وبعد طلاقى من زوجى قال لي طالما الطلاق تحت تهديد، فإنه لا يقع، ومتعمليش كده تاني، وأنا كنت مهددة زوجي بإني هعمل في نفسي حاجة.. مكنتش عاوزة أكمل ومكنتش في وعيي، ومكنتش أنا بجد".
