يومي كله نشاط وبركة وسعادة.. حلا شيحة تروى قصتها مع صلاة القيام
قالت الفنانة حلا شيحة، إن من أجمل العبادات التي يقوم بها الإنسان قيام الليل، موضحة أن أي شخص تعبان نفسيا أو جسديا عليه بقيام الليل.
وأضافت حلا شيحة عبر حسابها الرسمي على "إنستجرام"، إنها قعدت كبيرة في حيتها تؤدي قيام الليل وتشعر بحيوية ونشاط، وكانت تشعر أن يومها في بركة وخير وسعادة.
تجربة حلا شيحة مع صلاة القيام
وتابعت: قيام الليل مطردة لكل داء من الجسد، وشرف المؤمن،جمال قيام الليل في صلاتها قبل صلاة الفجر، وغير القادر يمكنه صلاتها بعد العشاء، ربنا يحب القيام علشان هي مش فرض زي الصلوات الخمس، ولكن يفعلها المؤمن حبًا لله، ويتقرب بها إلى الله.
حلا شيحة تتأمل آيات القرآن الكريم
وواصلت الفنانة حلا شيحة طرح فيديوهاتها الدينية، عبر قناتها على يوتيوب، التى تتناول من خلالها تفسير عدد من الآيات القرآنية والتأمل فيها
وقالت حلا : "أنتم الفقراء إلى الله أي يارب احنا الفقراء إليك وأنت الغني .. احنا مهما نبلغ في الدنيا دي من عز وشهرة ومال وغنى وفلوس وتجارة وأولاد وكل حاجة.. دائما الفقراء إليك يارب ومحتاجين لك وبنحبك .. ومنقدرش نعيش الدنيا من غيرك لأن نفسنا الخارج منك وحبنا لك كمان منك .. وسواء كنا بنقرب منك فا ده كمان منك ودي نعمة".
وتابعت : "ربنا مش محتاجنا علشان نكمل حاجة في ملكه .. هو بيحبنا فا خلقنا .. وفي قوله (إن يشأ يذهبكم ويأتي بخلق جديد)، أكيد ربنا مش بيهددنا هنا وبيقول أنا ممكن أمشيكم وأجيب ناس جديدة .. هو بيقولنا كده من مقام الألوهية لأنه رب الكون وملك الكون واللي خلق الكون العظيم ده كله .. فا هو يقول الكلام ده من منطلق الأحقية لأنه هو ربنا فا من حقه .. واحنا نفسنا اللي خارج وداخل منه".حلا شيحة تروي تفاصيل حلمها بيوم القيامة.
حلم حلا شيحة بيوم القيامة
وكشفت حلا شيحة مؤخرًا، خلال إحدى فيديوهاتها عن حلمها بيوم القيامة، ووصفت تفاصيل هذا الحلم وتوقيته لمشتركي قناتها على يوتيوب.
وقالت حلا شيحة في الفيديو : “كنت مسافرة ومخنوقة جدًا، اتكلمت مع ربنا وشوفت رؤيا ليوم القيامة، كنت واقفة على أرض بيضا بتلمع، ورايا جبال وقدامي بحر وسما وحشين جدًا، بس أنا شيفاهم حلوين، وأنا ببص للسما شوفت ملك على شكل طائر جناحاته كبيرة سادة السما”.
وتابعت شيحة : "الملك نزل على الرمل اللي واقفين عليه وكل الناس وقفت صفوف، نده عليهم وأنا خوفت من الحساب حاولت أهرب، بس نده عليا وقالي يا حلا يا بنت نادية ده معاد الحساب، وخدني معاه، وشوفت عنكبوت شعره كله شوك في البحر، الغريب لما صحيت من النوم وببص من البلكونة شوفت العنكبوت في البحر قدامي.
