يحيى الفخراني: «صلاح منصور أُعجب بأدائي واتفقنا نعمل سلسلة الأب وابنه»|فيديو
قال الفنان الدكتور يحيى الفخراني: «ما اقدرش أعمل حاجات في السينما استهلاك، لأن السينما عامله زي الكتاب بتفضلك، التليفزيون برده بس دلوقتي بقا خلاص».
وأضاف الدكتور يحيى الفخراني خلال حوار تليفزيوني ببرنامج “مساء دي ام سي” والمذاع عبر قناة “دي ام سي” تقديم الإعلامي أسامة كمال: «دا أنا لسه معروض ليا مسلسل طيور بلا أجنحة ولقيت نفسي مش انا دا، مين دا؟، ومين دا كمان مع العملاق صلاح منصور، لدرجة إن هو أول مرة يشوفني أعجب بيا في أدائي، واتفق معايا إن إحنا نعمل سلسلة شغل أب وابنه، ولم يسعفه الوقت».
مسرحية أبنائي الأعزاء شكرا
كما استعاد ذكرياته مع مسرحية أبنائي الأعزاء شكرا؛ قائلا: «فاكر ناس كتير أوي كانوا مستغربين إني أنا أعمل مسرحية أبنائي الأعزاء شكرا، لأن دا مش شغلي، وراجل غريب جدا، والحقيقة عجبتني الفكرة، إن يبقى بايظين للدرجة دي».
العمل مع فاروق الفيشاوي
وأوضح: «فيه ناس كتير كانوا معترضين إن دا عمل خفيف، لكن هو عمل مش خفيف، وانا كنت هعمل الدور التاني اللي عمله فاروق الفيشاوي، وكان توزيعي الأصلي دور ماجد الدكتور، وكنا بنجيب اللبس بتاعنا وهو ما كنش عنده ملابس لسه، كان لسه شاب صغير متخرج من الجامعة».
واستكمل الفنان يحيى الفخراني: «قالي هتعمل أنت دور ماجد الدكتور، واتفقنا في الآخر أنهم أدوا لفاروق أول قسط أشترى بيه ملابس، والبدايات صعبة، ودي حاجة نفتخر بيها».
العصا التي ترافقه
وقال الفنان الدكتور يحيى الفخراني إن العصا التي ترافقه بدأت منذ حوالي عامان، وبدأت القصة من «الليل وآخره» بهذه العصا، كما أنه جلت العديد من العصي.
وأضاف الفخراني: «عجبتتي وحسيت إن الواحد ممكن رجله تتزحلق فيكون فيه حاجات كده ساند، لكن ادرنالين المسرح حاجة تانية، وفي مرة شوفت ادرنالين المسرح عن حق مع أمينة رزق الله يرحمها، كنت بشتغل معاها مسرحية وهي ومريم فخر الدين، وفاكر كان في مسرح الجلاء».
موقف أمينة رزق
واستكملت: «المهم كان عامل داخلة لأوضتي أنا يمكن من الكواليس مني للمسرح مباشر، لكن في المسرح فيه كذا خطوة، فلقيت تخبيط كده بفتح الباب لقيت الست أمينة رزق، رحت واخد أيدها ومطلعها، وقاعد متوتر والست أمينة في الكواليس بقول يارب عدي الليلة دي على خير، ودخلت المسرح الصوت جايب آخره، لدرجة إن أنا اتلغبط».
