حلا شيحة : مهما بلغنا من عز وشهرة إحنا الفقراء إلى الله
واصلت الفنانة حلا شيحة طرح فيديوهاتها الدينية، عبر قناتها على يوتيوب، التى تتناول من خلالها تفسير عدد من الآيات القرآنية والتأمل فيها
حلا شيحة تتأمل آيات القرآن الكريم
وقالت حلا : "أنتم الفقراء إلى الله أي يارب احنا الفقراء إليك وأنت الغني .. احنا مهما نبلغ في الدنيا دي من عز وشهرة ومال وغنى وفلوس وتجارة وأولاد وكل حاجة.. دائما الفقراء إليك يارب ومحتاجين لك وبنحبك .. ومنقدرش نعيش الدنيا من غيرك لأن نفسنا الخارج منك وحبنا لك كمان منك .. وسواء كنا بنقرب منك فا ده كمان منك ودي نعمة".
وتابعت : "ربنا مش محتاجنا علشان نكمل حاجة في ملكه .. هو بيحبنا فا خلقنا .. وفي قوله (إن يشأ يذهبكم ويأتي بخلق جديد)، أكيد ربنا مش بيهددنا هنا وبيقول أنا ممكن أمشيكم وأجيب ناس جديدة .. هو بيقولنا كده من مقام الألوهية لأنه رب الكون وملك الكون واللي خلق الكون العظيم ده كله .. فا هو يقول الكلام ده من منطلق الأحقية لأنه هو ربنا فا من حقه .. واحنا نفسنا اللي خارج وداخل منه".
حلا شيحة تروي تفاصيل حلمها بيوم القيامة
كشفت حلا شيحة مؤخرًا، خلال إحدى فيديوهاتها عن حلمها بيوم القيامة، ووصفت تفاصيل هذا الحلم وتوقيته لمشتركي قناتها على يوتيوب.
وقالت حلا شيحة في الفيديو : “كنت مسافرة ومخنوقة جدًا، اتكلمت مع ربنا وشوفت رؤيا ليوم القيامة، كنت واقفة على أرض بيضا بتلمع، ورايا جبال وقدامي بحر وسما وحشين جدًا، بس أنا شيفاهم حلوين، وأنا ببص للسما شوفت ملك على شكل طائر جناحاته كبيرة سادة السما”.
وتابعت شيحة : "الملك نزل على الرمل اللي واقفين عليه وكل الناس وقفت صفوف، نده عليهم وأنا خوفت من الحساب حاولت أهرب، بس نده عليا وقالي يا حلا يا بنت نادية ده معاد الحساب، وخدني معاه، وشوفت عنكبوت شعره كله شوك في البحر، الغريب لما صحيت من النوم وببص من البلكونة شوفت العنكبوت في البحر قدامي.
قناة حلا شيحة على يوتيوب
يُذكر أن الفنانة حلا شيحة أطلقت قناتها على يوتيوب منذ فترة قصيرة، من أجل تقديم محتوى ديني، للحديث عن تجربتها في الحياة وعلاقتها بالقرآن الكريم.
ووصل عدد مشتركي قناة حلا شيحة على "يوتيوب" حتى الآن إلى أكثر من 26 ألف مشترك، بعدما طرحت 12 فيديو، ووصل إجمالي مشاهدات القناة إلى ما يقرب من نصف مشاهدة حتى الآن.
وكانت قد شاركت الفنانة حلا عبر "إنستجرام"، منذ أيام قليلة صورة لها، وروجت لحلقة جديدة من برنامجها الديني، حيث كتبت : "امتى ركزت مع القرآن الكريم أول مرة.. وإزاي وليه ابدتيت أحبه.. النهارده بالليل الساعة 9 بتوقيت القاهرة على يوتيوب.. هحكيلكم من البداية".
