مفيدة شيحة خلال أداء مناسك الحج: ربنا اللي دعانا نيجي وده معناه إننا كويسين

أعربت الإعلاميتان مفيدة شيحة ودعاء فاروق عن سعادتهما البالغة لتيسير أدائهما فريضة الحج.

وقالت دعاء فاروق في فيديو نشرته عبر حسابها بموقع إنستجرام: “ممتنين جدًا للرحلة الحلوة دي، الحمد لله يا رب، ربنا كرمنا كرم كبير، ومستمتعين بكل نفصيلة واحنا بنبص على المنظر الحلو".

من ناحيتها قالت مفيدة شيحة: “أنا ممتنة ليكي ولكل الناس اللي موجودين، وأكتر حاجة بسطاني، أن ربنا هو اللي دعانا نيجي، وده معاناه إننا ناس كويسين ومش ماشيين غلط ولا بنعمل حاجة كبيرة غلط، وإحساس أن ربنا راضي عنك بيخليني أنام وأنا مستريحة ومبسوطة”.

جاءت التعليقات على الفيديو كالآتي:"كملى بالحجاب يا مفيدة، ربنا يتقبل منكم يا رب امتعتونا بفيديوهات الحج و الكعبة وربنا يكتبهالي يارب"، ماشاء الله ربنا يتقبل منكم متعتونا معاكم وعيشتونا أجواء حج من القلب.. ربنا يتقبل منكم ويكرمكم، ما شاء الله ربنا يتقبل منا ومنكم صالح الأعمال ادعي لنا يادعاء انتي ومفيدة احج يا رب أحسن حاجة فيكم الصحبة الحلوة دي مع بعض في أجمل بقاع الأرض وبحس منك يادعاء إنك بتطبطبي على قلب مفيدة".
 

وعارضت إحدى المتابعات رأي مفيدة شيحة في أن الله راضٍ عنهم، ولذلك دعاعهما لزيارة بيته الحرام، حيث كتبت: "مبدأ أن ربنا بيدعي ناس وبيرفض ناس دا مش مظبوط، اللي معاه فلوس وصحة بيطلع، واللي مش معاه مابيعرفش يطلع، الباب مفتو ح للبر والفاجر، ربنا بيتقبل من مين بقى، الله أعلم، بس من علامات القبول الاستمرار على الطاعة وعدم العودة للمعصية".

مفيدة شيحة تكشف تفاصيل أدائها الحج 

وسبق أن شاركت مفيدة شيحة جمهورها خلال فيديو عبر حسابها بموقع إنستجرام تفاصيل سفرها لأداء الحج، مشيرة إلى أنها لم تكن تتخيل أن تؤدي الحج بسبب الظروف المادية، وساعدتها على ذلك الإعلامية دعاء فاروق وتم تيسير الحج لهما، مختتمة: "ربنا كرمنا بموافقة وتيسر الحالة.. وعملوا لي تخفيض رائع.. وعاوزة أقول محدش ييأس من رحمة ربنا، ومفيش حاجة مستحيلة”.
 

وكانت دعاء فاروق قد شاركت جمهورها فيديو عبر حسابها بموقع إنستجرام من زيارتها لمخيمات منى الاقتصادي خلال أدئها لمناسك الحج، وعلقت عليه بقولها:"زيارتي لحبايبنا في مخيمات مني الاقتصادي اللهم تقبل منكم صالح الأعمال يا رب".