ياسمين صبري: لا أنافس أحدًا وأختار أدواري بعقلي وقلبي.. وهذه نصيحتي للمرأة

تحدثت الفنانة ياسمين صبري بصراحة خلال لقائها مع برنامج «ET بالعربي» عن جوانب مختلفة من حياتها، سواء على المستوى الفني أو الشخصي، وكشفت عن رؤيتها الخاصة لما تقدمه من أعمال، وكيفية اختيارها لها، بالإضافة إلى موقفها من المنافسة في الساحة الفنية، ورأيها في العلاقات العاطفية وتأثيرها على المرأة.

قصة من واقع الحياة 

وأكدت ياسمين أنها اختارت بطولة مسلسلها الرمضاني الأخير «الأميرة.. ضل حيطة»، الذي عُرض في موسم رمضان 2025، لأنه يعكس قصة مأخوذة من واقع الحياة اليومية، ويمكن للكثير من الفتيات أن يرين أنفسهن فيها. 

وقالت: «المسلسل بيحكي حكاية بنت عادية جدًا، ممكن تكون واحدة مننا، عاشت تجربة مؤلمة مع شريك مؤذٍ، وده بيحصل حوالينا كتير جدًا، بس قليل لما بيتحكي بالشكل الإنساني الحقيقي ده».

منافسة ذاتية

وعن رؤيتها للمنافسة في الوسط الفني، قالت ياسمين صبري: «أنا مش بشتغل عشان أتنافس مع حد، أنا بنافس نفسي بس، ودايمًا هدفي أطور من نفسي ومن شغلي. . اللي بيهمني فعلًا هو إن يكون فيه تنوع في الأعمال، وإن اللي بنقدمه يضيف للمُشاهد حاجة حقيقية، سواء كانت متعة أو وعي أو رسالة مهمة».

أما عن طريقة اختيارها لأعمالها الفنية، فأوضحت أنها تختار بناءً على القصة وتأثيرها، مشددة على أهمية أن يكون الدور الذي تقدمه يحمل رسالة أو يلامس واقع الناس. 

وأضافت: «مش كل عمل بيتعرض عليا بوافق عليه، لازم أحس إن فيه حاجة بتشدني، حاجة بتقولي: الدور ده ليكي».

الحب الحقيقي

وفيما يخص رؤيتها للعلاقات العاطفية، تحدثت ياسمين بصراحة عن أهمية وعي المرأة وحمايتها لنفسها من العلاقات المؤذية، قائلة: «لازم الست تفهم يعني إيه علاقة خطر، يعني إيه الراجل التوكسيك، وتبقى واعية للعلامات الحمراء اللي بتظهر من بدري. مش أي توتر أو شد أعصاب اسمه حب. الحب الحقيقي مش بيخوفك ولا بيضغط على أعصابك. لازم كل واحدة تفرق بين الحب الحقيقي وبين الشعور بالقلق والخطر اللي بيكون موجود في العلاقات المؤذية».

الوعي

وأكدت أن الوعي هو السلاح الحقيقي لأي امرأة، وهو السبيل لحياة أكثر أمانًا وسلامًا، مضيفة: «الوعي هو اللي بيخليكي تعرفي إزاي تحمي نفسك، وإزاي تخرجي من علاقة مش صحية من غير ما تخسري نفسك».