زيزو يكشف كواليس رحيله عن الزمالك للانضمام للأهلي مع إبراهيم فايق
حل الليلة ، في العاشرة والنصف مساء ، أحمد سيد زيزو لاعب الأهلي الجديد ، ضيفا على برنامج قهوة فايق مع الإعلامي إبراهيم فايق على إم بي سي مصر 2 ، في أول ظهور عقب انتقاله للقلعة الحمراء.
ويتحدث زيزو عن كواليس رحيله عن الزمالك والانتقال رسميا للنادي الأهلي في صفقة انتقال حر، بعد فشل العديد من المفاوضات مع القلعة البيضاء ، وأزمات مسئولي النادي مع والده “وكيل أعماله”
وسجلت الحلقة مساء أمس الخميس عقب انتهاء مباراة نهائي بطولة كأس مصر بين الزمالك وبيراميدز ، والتي فاز بها المارد الأبيض بالركلات الترجيحية 8 - 7
وتعرض حلقة زيزو مع إبراهيم فايق على جزئين ، يعرض الجزء الأول اليوم ، على أن تستكمل الحلقة غدا السبت في نفس الموعد.
وفي أول تصريحاته بعد انتقاله رسميًا إلى النادي الأهلي، عبر أحمد مصطفى سيد “زيزو” عن موقفه من خطوة الرحيل عن القلعة البيضاء، مؤكدًا أنه لم يكن يومًا يسعى للرحيل عن نادي الزمالك في وقت سابق، وأن قرار رحيله جاء بعد دراسة وتفكير عميقين، خاصة في ظل تغير الظروف داخل ميت عقبة.
زيزو.. لم استغل الشرط الجزائي و بذلت كل ما في وسعي مع الزمالك
و تابع زيزو في تصريحاته عبر برنامج الكرة مع فايق: “أنا نفسالشخص اللي كان عقده فيه شرط جزائي، ومع ذلكرفضتأمشي. ولو كانت نيتي في يوم من الأيام إني أسيبالنادي، كنت عملت ده من بدري.”
وأضاف وافد الأهلي الجديد: “نادي الريان القطري طلبني منسنين، وساعتها رفضت استغلال الشرط الجزائي في عقدي،لأنيكنت شايف إني لسه عندي حاجة أقدمها مع الزمالك.”
زيزو يرد على انتقادات الزمالك بعد الرحيل
تصريحات زيزو جاءت بمثابة رد مباشر على الانتقادات الحادة التي وُجهت له من بعض جماهير الزمالك بعد الإعلان الرسمي عن انتقاله للأهلي، في واحدة من أبرز وأقوى صفقات الانتقالات في السنوات الأخيرة، كثيرون اعتبروا خطوة انتقاله للمارد الأحمر “خيانة”، خاصة بعد سنوات طويلة قضاها داخل جدران النادي الأبيض، وكان خلالها أحد الأعمدة الأساسية في تشكيل الفريق.
وجاء ملخص تصريحات زيزو كالتالي
** ما حدث لي في الزمالك كان مخططا له منذ عدة أشهر"
** في جلسة مع مجلس إدارة الزمالك قيل لي: اخرج وقل إنك أنت من ترغب في الرحيل"
** في شهر أغسطس 2024 جالي عرض رسمي من نادي نيوم السعودي بـ 6.5 مليون دولار، وقتها مجلس إدارة الزمالك وافق وجمعتني جلسة معاهم، واللي وقف الموضوع وقتها إنهم قالولي اطلع قول للناس انك عايز تمشي عشان خايفين من الجمهور لأن كل قراراتهم مبنية على السوشيال ميديا قلتلهم مش هطلع أقول حاجة ده عرض عندك عايز توافق وافق مش عايز متوافقش براحتك
** مشاكلي مع الزمالك بدأت في آخر عام ونصف، ورفضت استغلال الشرط الجزائي في عقدي"
** اتحجز لي تذكرة كشف طبي في الإمارات لعرض من نادي نيوم، وأنا مكنتش عارف أي حاجة عن الموضوع واتفاجئت بيه، ومش عارف هل النادي وافق عليه ولا لأ.
** روحت النادي أنا ووالدي، وخدت ميعاد مع كابتن حسين لبيب، وفجأة قال إنه تعبان ومش هييجي النادي، وبعتلنا حسام المندوه بداله.
** كلمته وقولت له:" جالي تذكرة حجز للكشف الطبي في الإمارات لعرض من نادي نيوم.' رد قالي: 'إيه دا؟ عرض إيه اللي بتتكلم عليه؟' قلتله: 'أومال التذكرة دي وصلتلي إزاي؟!
** أبويا اتشتم 8 أشهر ورفضت أرد على الإساءة، وراهنت على جمهور الزمالك إنه ميصدقش اللي بيتقال عليه ولكن كله بيكدب الكدبة ويصدقها
** أنا نفس الشخص اللي كان عقده فيه شرط جزائي، ومع ذلك رفضت أمشي. ولو كانت نيّتي في يوم من الأيام إني أسيب النادي، كنت عملت ده من بدري. نادي الريان القطري طلبني من سنين، وساعتها رفضت استغلال الشرط الجزائي في عقدي والرحيل واتمسكت بالاستمرار لنهاية عقدي
** من شهر يناير 2024 بدأت الأحداث. خلال الـ6 سنين اللي قضيتها في الزمالك، عمري ما عملت مشكلة مع حد، وكنت دايمًا بشتغل بإخلاص وفي صمت، ومحدش كان بيسمع عني غير في الملعب، لحد ما جه شهر يناير، وبدأ الموضوع يكبر وبدأت المشاكل. في يناير 2024 جالي عقد وإحنا في إفريقيا، وجالي عرض كبير من نادي الشباب السعودي بقيمة 6 ملايين دولار واترفض
** والله العظيم ما طلبت 100 مليون من الزمالك وقت التجديد وطلعوا وقتها في كل حتة يقولوا ده طالب 100 مليون وواحد من اعضاء مجلس الإدارة اللي المفروض يحافظ على السرية طلع على الهوا يقول زيزو طالب أكتر من 60 مليون بكتير رغم أن المفروض كان فيه جلسة تانية متحدد موعدها، هل طبيعي ده يحصل؟ الكلام كان حاجة ويقولوا زيزو اسطورة لكن الفعل كان حاجة تانية
**وان أعضاء مجلس إدارة الزمالك شغلوا لجان الكترونية عليا وقت التجديد وعملوا حملات وهما عارفين إنك كلاعب مش هتقدر ترد ولا تواجه اللي بيحصل ده وطلعوا قالوا إني طالب أرقام للتجديد والله العظيم ما طلبتها
** جيل الزمالك المميز سنة 2019، لما كل واحد فيهم جاله فرصة يمشي مشي، وانت دلوقتي بتنده عليهم يرجعوا تاني مع إنهم سابوك وكل واحد راح نادي، وانت عاوز ترجعهم تاني وما حدش منهم عايز يرجع
