بدرية طلبة: ياسمين عبد العزيز ست الستات تقعد ملكة وأنا اجيب لها حقها (فيديو)
أكدت الفنانة بدرية طلبة، أن الوسط الفني فيه نفوس غير جيدة، قائلة: "المجال في ناس وحشه كتير ولما يتعرض اسمي للمشاركة في عمل فني مثلا في ناس تعترض وترفض وبيخافوا مني عشان عالية وربنا عطاني حته بتاعني، وأنا مش صغيرة وربنا اعطاني موهبة كسبت بها حب الناس على قد قلبي الطيب".
وأشارت بدرية طلبة، خلال حوارها ببرنامج "أسرار" مع الاعلامية أميرة بدر، المذاع على قناة النهار، إلى أن علاقتها قوية بالنجمة ياسمين عبد العزيز وواعين لمحاولات الواقعية بينهما بين فترة وأخرى، مضيفة: "ياسمين مش شغلها أي حاجة من الاشاعات التافهة اللي بتطلع عليها وهي ميجا ستار ومش بتحط حاجات توافه في دماغها".
بدرية طلبة وعلاقتها بـ ياسمين عبد العزيز
وعن قوة علاقتهما، ردت قائلة: "أنا برد بالنيابة عن ياسمين عبد العزيز وهي ست الستات تقعد ملكة وأنا اعرف اجيب لها حقها".
وكشفت الفنان بدرية طلبة، معلومات جديدة عن كواليس وفاة زوجها وعدم حضور النجمة ياسمين عبد العزيز الجنازة قائلة: "ياسمين فضلت معايا على الشات بعد وفاة جوزي وأنا مسافرة فرنسا وكانت عايزة تجيب لى طائرة خاصة تجيبني عشان اطلع ادفن جوزي وهي واقفة معايا ومش كل حاجة تتحكي".
وفاة زوجها
وأكدت بدرية طلبة، أن ياسمين عبد العزيز جاءت لها وعزتها في وفاة زوجها بمنزلها وصدمت من وفاة جوزي، مضيفة: "صدمتها لأني قبلها كنت بكلمها على الشات ومكنش في حاجة ثم فوجئت بخبر الوفاة على السوشيال ميديا وكانت هتمشي في الاجراءات عشان الطيارة وكنت بهديها وكانت هتتجنن عليا في الغربة وتعيط قبلي على جوزي".
وتابعت: "ياسمين عبد العزيز مش محتاجة تكون حنينة مع حد وهي حنينه طول الوقت وفي ناس كتير حاولت توقع بيننا وأنا ماضية مع ياسمين مسرحية في السعودية وهي لها كام حد بتحبهم جدا أنا وإيمان السيد وحسن عبد الفتاح وهي بتحب الناس بتوعها ومفيش حاجة غريبة في كده ولنا كيمياء حلوة مع بعض".
