مصطفى غريب: وكنت شقي ومش دحيح .. وبدأت التمثيل من مسرح المدرسة|فيديو
كشف الفنان مصطفى غريب، خلال استضافته في برنامج "صاحبة السعادة" مع إسعاد يونس، أن دخوله مجال التمثيل لم يكن مخططًا له على الإطلاق، بل بدأ من خلال مشاركته في مسرح المدرسة، مؤكدًا: "كنت بحب التمثيل بس مكنتش متخيل إن ده يبقى شغلي".
وأوضح خلال لقاء مع الإعلامية اسعاد يونس أنه بدأ المشاركة في عروض قصر ثقافة منيا القمح ثم أبو حماد والزقازيق، مضيفاً “ بدأت أمثل في المدرسة وكان ليا صاحب بحبة فكنت بخليه يمثل معايا وكان ليا تأثير عليه”
وردت الفنانة الشابة دنيا سامي، على الانتقادات التي وجهت إلى صديقها الفنان مصطفى غريب، بعد أن تحدثت عنه بالأمس خلال لقائها مع الإعلامية إسعاد يونس، حيث كشفت عن وصفه لها بـ “أوحش بنت شافها”، الأمر الذي أثار جدلًا واسعًا ووضع مصطفى في محل النقد ووصفه عدد من رواد السوشيال ميديا بـ المتنمر.
دنيا سامي تتحدث عن ردود أفعال حلقتها مع إسعاد يونس
وشاركت دنيا عدد من الصور التي جمعتها بـ مصطفى عبر حسابها على فيسبوك، ودافعت عن الأخير، وأكدت أن حديثه عنها لا يزعجها، حيث كتبت : “بالنسبة للبوستات المنتشرة اللي مشيرة حلقتي مع أستاذ إسعاد يونس اللي أنا بقول فيها أن مصطفى غريب بيتريق عليا وبيقول عليا وحشة .. وده طبعاً جاب لمصطفى الكلام والشتيمة”.
دنيا سامي تؤكد عدم انزعاجها من حديث مصطفى غريب
وتابعت : “أولاً شكرًا على دفاعكوا عني .. بس أنا أصلاً مش زعلانة من حاجة وانا ومصطفى صحاب ودفعة واحدة واحنا الإتنين اتمرمطنا زي بعض .. وأنا كنت بحكي ده بهزار لإني عارفه إني قمر”.
وأكملت دنيا سامي مشيدة بصفات مصطفى غريب، حيث كتبت : “مصطفى غريب ده أقرب وأجدع وأطيب بني آدم في حياتي وحياة كل صحابه .. ولو قعدت أتكلم عليه من هنا لـ 100 سنة مش هيكفي والله قد إيه هو ضهري في الحياة .. واللى أنا قولته في البرنامج على اللي مصطفى بيقوله عليا ده هزار بين أي صحاب في أى شلة”.
واختتمت: “ وأنا الحمد لله معنديش عقد ومش حتي عندى عقد ومش عارفة ومش عندى عقد هتظهر بعد كده .. هو بجد مفيش حاجة وأصلاً لو كملتوا باقي الحلقة مع أستاذة إسعاد هتعرفو إننا مسكناه تريقة وتقطيع أكتر من اللب هو بيهزر فيه معايا بكتير .. ولو سمحتوا محدش في الدنيا يشتم مصطفى غريب غيري”.
ماذا قالت دنيا سامي عن مصطفى غريب؟
وكانت قد قالت دنيا عن مصطفى خلال حلقتها مع صاحبة السعادة إسعاد يونس: “مصطفى غريب بيقولي أنتي أوحش بنت شوفتها في حياتي .. ده غير أنه شايفني ولد أصلًا .. وهو متنمر لدرجة أن لو واحدة صاحبتنا مامتها توفت بيروح يعزيها ويشغل ليها أغنية عن الأم .. ولما بيقولي أنتي وحشه بقوله بص لنفسك في المرايا .. وأنا لما كنت صغيرة كنت وحشه جدًا وشعري خشن وبوقي كبير .. ولما كبرت شوفت أن دي مميزات”.
