محمد سراج يطلب دعاء جمهوره لوالده الذي يخضع لعملية جراحية
طلب المطرب المصري محمد سراج من جمهوره الدعاء لوالده، الذي دخل مؤخرًا غرفة العمليات لإجراء عملية جراحية. جاء ذلك عبر منشور مؤثر على حسابه الرسمي في موقع التواصل الاجتماعي "فيسبوك"، حيث نشر صورة له مع والده وعلق عليها قائلاً: "بطلب منكم الدعاء لوالدي هو في العمليات بيعمل عملية دلوقتي.. اللي عارفني كويس عارف أنا حاسس بإيه دلوقتي ومشاعري عاملة إزاي.. ربنا يشفيه ويعافيه ويطمنا عليه.. ويشفي كل مرضانا اللهم آمين."
مسرحية "المجانين"
وقد شارك محمد سراج مؤخرًا في مسرحية المجانين بطولة محمد هنيدي، وأعرب حينئذ عن سعادته البالغة بالتعاون مع الفنان محمد هنيدي، حيث نشر لقطات من المسرحية عبر حسابه الرسمي على موقع تبادل الصور والفيديوهات إنستجرام.
وعلق قائلًا: “تم بحمد الله عرض مسرحية المجانين في موسم الرياض بكل نجاح وخير وفضل من ربنا … خطوة جديدة مهمة في حياتي .. الوقوف جنب استاذ الكوميديا الاستاذ الكبير محمد هنيدي .. أول ما قابلته في أول بروفه قولتله يا استاذ هنيدي انا وقعت واتداس عليا بسببك .. فبصلي كده وضحك وحكتله وأنا ف المنصوره صغير ورايح سينما اوبرا عندنا في المنصورة اتفرج على صعيدي في الجامعة الامريكية أنا وماما واخواتي ومن كتر زحمة الناس علي شباك التذاكر ما شاء الله امن السينما بدأ يزق ف الناس عشان يرجعو ورا فوقعت واتهرست .. صعيدي في الجامعة الامريكية اللي دخلته سينما ييجي ٢٠ مرة واي ضيف كان يجيلنا ناخده ونروح صعيدي .. ولما اتعاملت معاه علي المستوي الانساني والفني مفيش جمال وحلاوة كده في الدنيا ماشاء الله عليه”.
كواليس مسرحية المجانين
واستكمل محمد سراج حديثه قائلًا: “وكواليس المسرحية قمة الجمال والروح الحلوة .. الحمد لله اللي اتشرفت بالوقوف جنب فنانين كبار وزمايلي في مركز الابداع الفني وشكر كبير لطاقم مساعدين الاخراج بقياده الاستاذه علا فهمي .. والملابس والانتاج والكوافير والماكيير وكل واحد ساعدنا نطلع بالمستوي الهايل ده الحمد لله .. من جانب تاني بقي بشكر استاذي وحبيبي وصاحب فضل كبير عليا عمري ما انكره المخرج الكبير استاذ خالد جلال اللي بيديني فرص مفيش احلي منها من يوم مادخلت مركز الابداع .. ثقته فيا وايمانه بيا نعمة كبيرة ومسئولية يارب افضل عندها واكون عند حسن ظنه دايما بإذن الله .. بشكر ربنا وبشكر امي وابويا واسرتي وكل حبايبي اللي بيتمنولي الخير وبيدعولي .. ووعد دايما اكون قد الثقه دي .. الحمد لله .. وافضلو ادعولي الهي تنسترو”.
