أميرة بدر لـ"حمادة هلال": ايه أول دعوة لك أمام الكعبة؟ ويرد بدعاء جميل (فيديو)
وجهت الاعلامية أميرة بدر سؤال مفاجئ للنجم حمادة هلال خلال حواره ببرنامج "أسرار"، ايه هي أول دعوة دعيتها في أول مرة تشوف فيها الكعبة المشرفة، ورد قائلا: "في حد قالي جملة قول اللهم اجعلني مستجاب الدعاء وفعلا قلت كده أول ما شوفت الكعبة".
وأضاف حمادة هلال، خلال حواره ببرنامج "أسرار"، المذاع على قناة النهار، أن الدعاء الذي يقوله منه ما يتحقق ومنه ما لم يتحقق بأمر الله ولكن ما لم يتحقق أثق أنه ليس من نصيب، معقبا: "أنا مش بزعل على حاجة مجتليش ومقعدش أبقى زعلان أو متأثر من حاجة لم تتحقق وكله بإذن الله".
وداعب النجم حمادة هلال، الاعلامية أميرة بدر في نهاية الحوار، قائلا: "الحوار معاكي حلو أوي رغم أن في ناس كتير خوفوني منك أوي وأنا مش بطلع في برامج كتير لأني مش بتكلم عشان كلام يقع مني، وتمازحه: "ليه يعني مش فاهمه"؟
وفي سياق متصل أكد النجم حمادة هلال، أن والدته تعبت بشكل كبير في حياتها وكانت صبورة في المشوار مع والدها، مضيفا: "أمي تعبت معايا جدا وبتعلم من أمي ومراتي كانت بتحبها جدا، وفي البداية أمي كانت أكتر واحدة صابورة وكانت واقفة مع أبويا واحنا أربعة اخوات وتعب علينا جدا".
وأضاف حمادة هلال، أن والدته كانت سند في رحلة والده قائلا: "أمي كانت سن لأبويا وممكن ميبقاش معاها أي حاجة ولكن تعرف تدبر أمورها وربنا كرمنا بيها ولما جالها مرض السرطان وأخذنا قرار اننا منعرفهاش ولما بدأنا رحلة الكيماوي كانت صعبة جدا وكنت بقول للطبيب بلاش تجيب لها سيرة إنها مريضة سرطان".
واستكمل: "أمي كانت بتصدق هي طيبة جدا لكن كانت زكية وفضلت عمله نفسها مش عارفه إنها مريضة سرطان وهي حبت الفيلم ومشيت معانا وخفت شويه وبعدين حصل انتكاسة وصبرت على المرض وكانت دائما تعلمنا ازي نحافظ على النعمة".
وكشف: "قبل ما أمي تموت بأسبوع رحت اشتريت لها كفن وقلت لأسرتي أمي الاسبوع ده هتمشي وكانت بتفوق وتروح في غيبوبة، وخالتي قالت لى مامتك مكنتش عايزة تدفن في البلد عايزة تدفن في القاهرة فمكنتش جايب مقابر في القاهرة وقابلت راجل محترم هو مقاول واشتريت قبر قبل ما تتوفى وكنا هنروح البلد لكن اشتريت القبر في القاهرة عشان وصيتها".
