حمادة هلال: مراتي تمر بمرحلة صعبة عشان وفاة أبوها.. وربنا يحفظ أم ولادي(فيديو)

كشف النجم حمادة هلال، عن أن زوجته تمر بمرحلة صعبة من بعد وفاة والدها، قائلا: "زوجتي تمر بمرحلة صعبة عشان حبيب عمرها والدها وتوفى بعد صراع عامين مع المرضى وهو حبيبنا كلنا ورحل بعد معاناة مرضية"، معبرا عن حبه الشديد لزوجته: "ربنا يحفظها هي أم أولادي".

ورد حمادة هلال، خلال حواره ببرنامج "أسرار"، مع الاعلامية أميرة بدر، المذاع على قناة النهار متعلقة بسبب عدم نشره صور له مع زوجته على السوشيال ميديا ومزح قائلا: "مش بنزل صوري مع مراتي مش عشان الحسد عشان الحسد وبنزل وكل السوشيال ميديا بتشوفنا مع بعضنا وكنت في الأول ممكن أخاف من الحسد".

ووعد حمادة هلال جمهور بجزء خامس قوي من مسلسل المداح، قائلا: "أنا عارف أن الجمهور منتظرين الحلقة 31 من دلوقتي في مسلسل المداح، والمسلسل ده في شقى وتعب كبير وفي اختلاف عكس الاجزاء اللي فاتت وفي مواضيع وإن شاء الله يكون فتحة خير تانية".

وفاجأت الاعلامية أمير بدر، ضيفها النجم حمادة هلال بسؤال عن الحسد خلال حواره برنامج "أسرار"، قائلة: "حد حسد قبل كده يا حمادة؟"، ويرد عليها: "طول عمري وسيبك من الكلام عن السحر اللي ألعن من السحر هو الحسد وهي طاقة شريرة".

وتحدث حمادة هلال، خلال لقاءه على قناة النهار، عن أول مرة شاهد فيها الكعبة قائلا: "أول مرة شفت الكعبة واحد قالي قول دعاء فقلت اللهم اجعلني مستجاب الدعاء وفي حاجات بتتحقق من دعائي وفي حاجات لا تتحقق ولازم تعرف إنها هي مش نصيبك وأنا مش بزعل على حاجة فاتت مني أو مجتليش".

ووجه نصيحة: "اللي عشته وأنا صغير وما تعرضت له من كسر النفس وأنا صغير وعرفت أنك لو عايز تنجح إياك تصعب عليك نفسك ولو صعبتك عليك نفسك ثقتك ضاعت في كل حته ولو شخص مش شايفك اياك تفكره بيك ولا تحسسه انك موجود".