ياسمين عز تنصح السيدات: خذي الفلوس وأنت مبرقة بزيادة

أثارت الإعلامية  ياسمين عز موجة جديدة من الجدل بتصريحاتها الساخرة خلال حلقة اليوم من برنامجها "كلام الناس" المذاع عبر فضائية "MBC مصر"، حيث عادت لتوجيه نصيحة غير تقليدية للسيدات بشأن التعامل مع أزواجهن في ما يخص المصروفات.

نصائح للسيدات 

وقالت عز: "فاكرة لما قلتلك متطلبيش من جوزك فلوس كل شوية؟ السنة اللي فاتت كان همّي إنك تمدي إيدك وتاخدي من غير ما تحسسيه، وهو نايم، لأن ده بيتك وفلوسك وحق عيالك".

وتابعت بأسلوبها الفكاهي: "ولما يصحى ويسألك خدتِ من فلوس؟ قولي له بلوقة وإنتي مبرقة.. هيفتكرك اتجننتي، وهيخاف ويمشي"، مضيفة: "هتاخدي النصيحة من هنا، وتطبقيها من هنا، وبيتكم هيمشي من هنا".

أعربت الإعلامية ياسمين عز عن استيائها من المظاهر المبالغ فيها في حفلات الزفاف مؤخرًا، واصفة بعض التقاليع الجديدة بـ"الخنفشارية" وغير المعبرة عن الهوية المصرية.

تقاليع الأفراح

وقالت: "فكرة الفرح هي الإشهار والاحتفال ببداية جديدة، إيه اللي هيفرق لو فيديو الفرح انتشر؟ وليه 4 مصورين؟ أنا في الاستوديو مش بيصورني العدد ده".

وانتقدت عز أداء العروس لدور الراقصة خلال الفرح لتوفير نفقات الاستعراض، قائلة: "ارقصي برقي.. مش رقص شعبي.. انتي عروسة مش مؤدية". 

كما سخرت من ظاهرة "لفة العروسة" التي تقلدها بعض الشباب بطريقة كوميدية قائلة: "بيوقعوا على العروسة والمعازيم.. ده مش فرح، ده سيرك".

وختمت حديثها برسالة مباشرة: "كفاية تقاليع مش شباهنا.. خليه يشيلك في البيت مش لازم قدام الناس".

دعت الإعلامية ياسمين عز الفتيات إلى الاهتمام بالعناية بالمنزل وبشريك الحياة، مؤكدة على أهمية تصرفات بسيطة يمكن أن تساهم في تحسين العلاقة الزوجية.

الحياة الزوجية 

وقالت: "قومي أعملي قراقيش لزوجك، وشوفي نواقص البيت، ودلعيه بكلام حلو وقولي لجوزك أن النواقص أجبان وألبان، هيديكي فلوس، وبكدا هيعود عليك بفايدة ليكي ولعيالك. كما نصحت ياسمين عز بالتعامل بلطف ولباقة مع أهل الزوج، مضيفة: " لما تتكلمي مع سلفتك وحماتك لازم برقة وزوق ودلال، وهتباتوا مع بعض "مش قادرة أقوالك أجواء حميمية وهتكلوا سبانخ ومولوخية، وأجواء كرتونية هيحبها جوزك.

العلاقة مع أهل الزوج

وفيما يتعلق بالعلاقة الزوجية: "دمعتك هتبقى غالية على زوجك، لما تننزل منك دمعة جوزك هيمسها بالمصري أو بالدولار أيهما أقرب، مش بيقولك دمعتك غالية عالية، بس بكام؟، كلامك الحلو ليه كل شوية ببلاش مش بفلوس بس هيعمر بيتك، وكل دمعة هتكون بفلوس فعمره مهيزعلك تاني وهتبني ثروة.