ياسمين عز: لما مراتك تعملك لك أكلة حلوة متقولش شكرًا.. حط ليها فلوس تحت المخدة

واصلت الإعلامية ياسمين عز إثارة الجدل بتصريحاتها الجريئة خلال حلقة اليوم من برنامجها "كلام الناس" المذاع عبر فضائية "MBC مصر"، حيث وجهت نصيحة طريفة للرجال حول تقدير مجهود زوجاتهم في المطبخ.

نصائح ياسمين عز للرجال

وقالت عز: "لما مراتك، سيدة المحور والدائري، تعملك سفرة هنية وتبلع حلة المحشي وتشبع، مفيش حاجة اسمها شكراً… شكراً اتلغت علمياً وطبياً وأدبياً".

وأضافت ساخرة: "اديها فلوس، أو حطها تحت المخدة، واغسل إيدك قبلها ونشفها، ورجّع الفوطة مكانها… بس أهم حاجة اديها فلوس".

وجهت الإعلامية ياسمين عز مجموعة من النصائح الطريفة للسيدات،  بمناسبة الجولة الرابعة من الدوري المصري الممتاز.

الدوري المصري الممتاز

وقالت ياسمين عز: "لو جوزك بيتفرج على الماتش، بكرة سينيه في حاله، وسيبيه يركز.. حضري له المقرمشات والمقبلات قبل الماتش، وبلاش تقعدي تسأليه أسئلة خزعبلية زي: بتحب الكورة أكتر مني؟ ولا أنا ووسام على؟".

وأضافت ساخرة: "ما تحطيش نفسك في مواقف بايخة، الراجل مش ناقص، هو عايز يتفرج على الماتش مش يدخل في نقاشات وجودية عن الحب والمقارنات".

أعربت الإعلامية ياسمين عز عن استيائها من المظاهر المبالغ فيها في حفلات الزفاف مؤخرًا، واصفة بعض التقاليع الجديدة بـ"الخنفشارية" وغير المعبرة عن الهوية المصرية.

تقاليع الأفراح

وقالت"فكرة الفرح هي الإشهار والاحتفال ببداية جديدة، إيه اللي هيفرق لو فيديو الفرح انتشر؟ وليه 4 مصورين؟ أنا في الاستوديو مش بيصورني العدد ده".

وانتقدت عز أداء العروس لدور الراقصة خلال الفرح لتوفير نفقات الاستعراض، قائلة: "ارقصي برقي.. مش رقص شعبي.. انتي عروسة مش مؤدية". 

كما سخرت من ظاهرة "لفة العروسة" التي تقلدها بعض الشباب بطريقة كوميدية قائلة: "بيوقعوا على العروسة والمعازيم.. ده مش فرح، ده سيرك".

وختمت حديثها برسالة مباشرة: "كفاية تقاليع مش شباهنا.. خليه يشيلك في البيت مش لازم قدام الناس".

دعت الإعلامية ياسمين عز الفتيات إلى الاهتمام بالعناية بالمنزل وبشريك الحياة، مؤكدة على أهمية تصرفات بسيطة يمكن أن تساهم في تحسين العلاقة الزوجية.

الحياة الزوجية 

وقالت: "قومي أعملي قراقيش لزوجك، وشوفي نواقص البيت، ودلعيه بكلام حلو وقولي لجوزك أن النواقص أجبان وألبان، هيديكي فلوس، وبكدا هيعود عليك بفايدة ليكي ولعيالك. كما نصحت ياسمين عز بالتعامل بلطف ولباقة مع أهل الزوج، مضيفة: " لما تتكلمي مع سلفتك وحماتك لازم برقة وزوق ودلال، وهتباتوا مع بعض "مش قادرة أقوالك أجواء حميمية وهتكلوا سبانخ ومولوخية، وأجواء كرتونية هيحبها جوزك.